Бу күннэргэ Мэҥэ Хаҥалас улууһун Табаҕа нэһилиэгэр улуустааҕы тустуу күрэҕэ буолан ааста. Онно биһиги оҕобут, Эбээн-Бытантайтан төрүттээх Вася Сыромятников 44 киилэ ыйааһыҥҥа 1 миэстэни ситиһэн, кыайыылаах үрдүк аатын ылла!
Онтон Уус-Алдан улууһун Бороҕон нэһилиэгэр буолбут «Сезон арыллыыта» диэн улуустааҕы көҥүл тустуу күрэҕэр эмиэ биһиги тумус туттар ыччаппыт Степан Другин 41 киилэ ыйааһыҥҥа 2-с миэстэни ситистэ.
Бу туһунан уолаттары кыра эрдэхтэриттэн спорт эйгэтигэр уһуйбут тренердэрэ Петр Стручков сырдатта.
Оҕолорбут өрөспүүбүлүкэбит араас муннуктарыгар үөрэнэ сырытталлар, уопсастыбаннай олоххо, спортка өрүү инники күөҥҥэ, ситиһии аргыстаах сылдьалларыттан биһиги, биир дойдулаахтара, үөрэнэбит уонна киэн туттабыт! Маладьыастар, инникитин даҕаны эһигини кыайыы-хотуу арыаллаатын!
Сардаана Копырина