Түгэһиир нэһилиэгэр кыракый саастаах кыргыттарга «Мини-мисс Тюгясира-2025» талаан уонна кэрэ буолуу куонкуруһа ыытылынна. Куонкуруска сэттэ кыыс оҕо кыттыбытыттан, «Мини-мисс Тюгясира-2025» кыайыылаах үрдүк аатын Лейсан Аммосова ылла.
Бу куонкурус оҕолор ортолоругар уус-уран дьоҕуру сайыннарыыга, элбэх дьон иннигэр толлубакка саҥарыыга-иҥэриигэ, култуура таһымын үрдэтиигэ ,оҕо көҕүн көҕүлүүргэ, талааннаах оҕолору өйүүргэ туһуланна.
Кэрэчээн кыргыттар улахан сценаҕа көрүөхтэн кэрэ көстүүлээх национальнай көстүүмнээх таҕыстылар. Маны тэҥэ улахан кыргыттартан итэҕэһэ суох авангарднай таҥастаах, киэһээҥҥи мааны былаачыйалаах хааман-сиимэн көрөөччү биһирэбилин ыллылар. Талааны көрдөрүү түһүмэҕэ көрөөччү болҕомтотун тарта, онтон спортивнай түһүмэх сэргэхситтэ.
Ол курдук, 5 түһүмэхтэн турар куонкуруска Лейсан Аммосова тэҥнээҕин булбата уонна «Мини-мисс Тюгясира-2025» кыайыылаах үрдүк аатын сүктэ. “1 вице-мисс” Айлаана Голикова, “2 вице-мисс” Сайаара Лукина буоллулар. “Приз зрительских симпатий”– Айлаана Голикова, “Мини-мисс талант” Рая Другина, “Мини-мисс дружба” Аделия Попова, “Мини-мисс улыбка” Сайаана Стручкова, «Мини-мисс спорт» — Айгылаана Другина ылан, биһирэбил бириистэри тутан үөрдүлэр-көттүлэр.
«Мини-мисс Тюгясира 2025» конкурс бары кыттааччыларыгар- кэрэчээн кыргыттарбытыгар, кинилэр төрөппүттэригэр, күрэҕи киэргэппит бары ырыаһыттарбытыгар, үҥкүүһүттэрбитигэр, хоһоонньуттарбытыгар, күрэхпитин ыыппыт Вера Валерьевна Бочкареваҕа, уолугар Дима Ноевка, кыттааччы кыргыттарбытын бэлэмнээбит Ирина Платоновна Слепцоваҕа, дьүүллүүр сүбэҕэ: Илана Григорьевна Колесоваҕа, Наталья Терентьевна Пинигинаҕа, Дария Иннокентьевна Колесоваҕа, Наталья Петровна Степановаҕа, Лаура Юрьевна Ивановаҕа, Мария Ивановна Аммосоваҕа, бары спонсордарбытыгар: урбанньыт Андрей Андреевич Данзановка, улуустааҕы үөрэх управлениятын салайааччытыгар Петр Григорьевич Потаповка, Түгэһиир нэһилиэгин баһылыгар Сергей Сергеевич Аликовка, улууспут баһылыгар Иннокентий Николаевич Стручковка «Гарпан» ЭКК аатыттан барыгытыгар улахан махталбытын тиэрдэбит!” – диэн “Гарпан” этнокултуурунай киин дириэктэрэ Раиса Старостина барҕа махталын тириэртэ.
Сардаана Копырина