РСФСР үөрэҕириитин туйгуна Егор Иннокентьевич Черкашин иитиллээччилэрин бириистэригэр көҥүл тустууга өрөспүүбүлүкэтээҕи турнир буолла. Сахабыт сирин араас муннуктарыттан 303 эдэр бөҕөс кэлэн туһунна, ол иһигэр Эбээн-Бытантай улууһуттан тустуук оҕолорбут күүстэрин холостулар.
«Биһиги улууспутуттан 6 оҕо туһунна. Ол курдук, 28 киилэ ыйааһыҥҥа Еремей Рожин, 30 киилэ ыйааһыҥҥа Аким Слепцов, 35 киилэ ыйааһыҥҥа Павел Слепцов, 41 киилэ ыйааһыҥҥа Степан Другин, 52 киилэ ыйааһыҥҥа Александр Другин уонна кыргыттарга Валя Верховская күөн көрүстүлэр.
Саха сирин улуустарыттан барытыттан кыттааччылар кэлбиттэр, күүстээх тустууктардаах Чурапчы, Сунтаар, Мэҥэ Хаҥалас, Ньурба, Дьокуускай куорат, хоту да улуустартан, Булуҥ, Дьааҥы, Анаабыр, Аллайыаха, Абый быйыл кэлбиттэр уонна биһиги эбиллэн биэрдибит.
Бу күрэххэ Еремей Рожин түөртэ тустан, полуфиналга тиийдэ. Уонна Скрябин турнирын финалиһыгар хотторон, үһүс иһин киирсэн кыайда!
Аким Слепцов бастакы улахан күрэхтэһиитигэр тэҥ тустууга Чурапчы уолугар хоттордо, ол киһибит полуфиналга тиийэн, хотторон туораатыбыт.
Павел Слепцов иккитэ кыайда, үсүһүгэр финалист уолга хотторон, 8-9 миэстэ буолла.
Александр Другин полуфиналга хотторон, үһүс иһин кииристэ уонна 5-с миэстэ буолла.
Кыыспыт Валя Верховская 3 миэстэ буолла!
Степан Другин иккитэ кыайан баран, финалист уолга хоттордо, 8-9 миэстэ буолла,» — диэн оҕолорбут тренердэрэ Петр Стручков сырдатта.
Сити курдук, оҕолорбур үүнэн-сайдан, улахан көбүөрдэргэ тахсан, бэрткэ туһуннулар. Оҕолорбут ситиһиилэрин “копилкатыгар” 3-с, 5-с миэстэлэр уонна инники күөҥҥэ, 10 иһигэр киирии баар!
Сардаана Копырина