Мэҥэ Хаҥалас улууһун Хара сэлиэнньэтигэр спортивнай лицей тэриллибитэ 30 сылыгар туһаайыллыбыт көҥүл тустууга өрөспүүбүлүкэтээҕи аһаҕас турнир буолла. Биһиги улууспутуттан бу күрэхтэһиигэ Айысхан Сыроватский 2010-2012 с.т. уолаттар ортолоругар 63 киилэҕэ диэри ыйааһыҥҥа кыттан, 2 бочуоттаах миэстэни ылла!
“Уолбут ситиһиитэ сыыйа-баайа үөһээ тахсан иһэрэ киһини үөрдэр”, — диэн уолаттары тустууга дьарыктыыр Петр Стручков үөрүүлээх сонуну үллэһиннэ.
Онтон Дьокуускай куоракка Тымныы оҕонньор бирииһигэр диэн 25 нүөмэрдээх оскуола тэрийэн ыыппыт күрэхтэһиитигэр биһиги оҕолорбут Эрсаан Сыроватский уонна Айысхан Сыроватский чөмпүйүөн үрдүк аатын ыллылар.
Сардаана Копырина