Бүгүн Аан Дойдуга Худуоһунньук күнүгэр Айар дьиэҕэ уруһуй куттаах кыысчаан Ирена Верховская маҥнайгы тус быыстапката ураты истиҥ эйгэҕэ буолла
Ирена айылҕаттан айдарыытын таба көрбүт киһинэн, кинини уруһуй алыбар угуйбут,сирдээбит Учуутала Мир Николаевич Слепцов буолар
. Ирена хас биирдии уруһуйа олоххо тапталы тиэрдэр сырдык тыыннаахтарын, ураты эйгэлээхтэрин көрөөччүлэр сөҕө-махтайа бэлиэтээтилэр
Дьоро күн Иренаны улуус, нэһилиэк, Оҕо саас киинин, үөрэх, култуура, «Гарпан» ЭКК, спортивнай оскуола,социальнай харалта, оскуола салалталара, уһуйаан иитээччилэрэ, учууталлара, бииргэ үөрэнэр оҕолоро, эбээтэ кэлэн эҕэрдэ эгэлгэтин эттилэр, бэлэхтэрин туттардылар.
Кэрэ түгэни «Аянеса» ансаамбыл иитиллээччилэрэ киэргэттилэр
Ирена төрөппүттэрэ долгуйан туран мустубут ыалдьыттарга, сэргээбит дьоҥҥо, чуолаан уһуйааччытыгар Мир Николаевичка, Оҕо саас киинин кэлэктиибигэр истиҥ махталларын тиэртилэр Быыстапканы кэлэн көрүҥ,сэргээҥ!
