Эбээн-Бытантай улууһун Аҕа баһылыга Иннокентий Стручков анал байыаннай дьайыы кыттыылааҕа, билигин инники кирбиигэ сылдьар хорсун буойун Дмитрий Колесов күн күбэй ийэтигэр Феня Родионоваҕа үрдүк наҕарааданы — «Эр санаа” уордьаны үөрүүлээх быһыыга-майгыга туттарда.
Кустууртан төрүттээх биир дойдулаах уолбут Дмитрий Иннокентьевич 2023 сыллаахха устудьуоннуу сылдьан ийэ дойдубут көмүскэлигэр, эйэлээх олох иһин бэйэтин баҕа санаатынан турунан барбыта. Кини байыаннай дьайыы сиригэр тиийэн, бу уһун сыллар устата ураты сатабылын, күүстээх санаатын көрдөрөн, «Эр санаа” уордьаны ылла. Уолбут көрдөһүүтүнэн бу үрдүк наҕарааданы ийэтэ Феня Артемьевна, кыракый кыысчаана илиилэригэр туппуттара ураты долгутуулаах түгэн буолла.
Биир дойдулаахпытын үрдүк наҕарааданы ылбытынан итиитик-истиҥник эҕэрдэлиибит! Кыайыылаах-хотуулаах, чэгиэн-чэбдик эргиллэн кэлэригэр баҕарабыт!