Ааспыт нэдиэлэҕэ В.Н.Стручков аатынан улуустааҕы оҕо спортивнай оскуолатыгар анал байыаннай дьайыы кыттыылааҕа «Эр санаа» уордьан кавалера Григорий Васильевич Стручков сырдык кэриэhигэр оскуола оҕолоругар мини-футбол күрэҕэ буолан ааста. Манна 5-тэн 11 кылааска диэри оскуола үөрэнээччилэрэ, уопсайа 6 хамаанда кыттыыны ылла.
Күрэх сүрүн судьуйата Николай Суханов салайыылаах хамаандалар парадтарынан саҕаланна. Хамаандалар командирдара дьоһун түгэни бэлиэтээн Арассыыйа өрөгөй ырыатынан дойдубут былааҕын өрө көтөхтүлэр.
Тэрээһин саҕаланыыта анал байыаннай дьайыы толоонугар сырдык тыынын толук уурбут биир дойдулаах уолбут, хорсун байыас Григорий Стручков олоҕун, кыра сааhыттан спорт араас көрүҥэр дьоҕурун, дьоhун ситиhиилэрин туhунан ахтан-санаан аастылар. 
Эбээн-Бытантай национальнай улууһун дьаһалтатын иһинэн социальнай бэлиитикэҕэ салайааччы Мария Ефимова, үөрэҕирии салайааччытын солбуйааччыта Захар Протопопов, Григорий кылааhын салайааччыта Акулина Жиркова уонна бииргэ төрөөбүт эдьиийэ Прасковья Слепцова күрэхтэhээччилэргэ эҕэрдэ тылларын тиэртилэр.
Бары күрэхтэhээччилэргэ кыайыыны-хотууну баҕаран туран, муусука учуутала Александра Слепцова салайар «Арыллын» ансаамбыл ылбаҕай ырыаларын бэлэх ууннулар.
Күрэхтэһии сүрдээх тыҥааһыннаахтык ааста. Кыайыыга дьулуур, түмсүүлээх, биир киһи курдук тэҥ санаалаах, сыаллаах-соруктаах буолуу үгүһү быһааран, сымсалар, быһыйдар, күүстээхтэр кыайыы өрөгөйүн биллилэр.
Күрэх түмүгэ маннык буолла:
5-7 кылаастарга:
1 м. – «Бавария» хамаанда
2 м. – «Барселона» хамаанда
3 м. – «ЦСКА» хамаанда
8-11 кылаастарга:
1 м.- «Зодиак» хамаанда
2 м.- «Реал Мадрид» хамаанда
3 м. – «Зенит» хамаанда
Номинациялар:
«Лучший защитник» — Арылхан Другин, 8 кылаас
«Лучший игрок» — Разин Слепцов, 7 кылаас
«Лучший нападающий» — Альберт Колесов, 11 кылаас
«Лучший вратарь» — Эрчимэн Горохов, 10 кылаас
«Самый юный участник» — Еремей Рожин, 5 кылаас
«За волю к победе» — Даниэль Старостин, 6 кылаас
Влад Слепцов, 10 кылаас
«Лучший командир» — Егор Ефимов, 5 кылаас
Клим Константинов, 11 кылаас
«Самый азартный игрок» — Павел Слепцов, 6 кылаас
Ньургустан Никитин, 10 кылаас
«Приз зрительских симпатий» — Аким Слепцов, 5 кылаас
Константин Сотрудников, 9 кылаас 
Күрэх судьуйалара: Николай Суханов, Рамиль Горохов, Василий Атласов.
«Тапталлаах чугас киһибит, анал байыаннай дьайыы кыттыылааҕа Григорий Стручков сырдык кэриэһигэр оскуола оҕолоругар мини-футбол күрэҕэ олус үчүгэйдик тэриллэн, туох да харгыһа суох, орун оннугар түһэн, өрө көтөҕүллүүлээхтик буолан ааспытыттан, бириис элбэҕиттэн олус үөрдүбүт. Оҕобут, бырааппыт аата ааттанан, сырдык өйдөбүл буолбутуттан, санаабыппыт силигин сиппититтэн үөрэн, долгуйан туран бииргэ төрөөбүт эдьиийдэрэ, кэргэнэ, оҕолоро бу тэрээһини тэрийсибит, сүүрбүт-көппүт бар дьоммутугар, спонсорскай көмөнү оҥорбут тэрилтэлэргэ, урбаанньыттарга, бар дьоммутугар, бырааппыт бииргэ үөрэммит үөлээннээхтэригэр, учууталларыгар барҕа махталбытын тиэрдэбит, чуолаан улууспут Аҕа баhылыгар Иннокентий Николаевич Стручковка, олохтоох дьаhалта Аҕа баhылыгар Сергей Сергеевич Аликовка, «Сахаэнерго» тэрилтэ салайааччытыгар Владимир Николаевич Дмитриевка, «Аэропорты Севера» тэрилтэ салайааччытыгар Екатерина Михайловна Обутоваҕа, «Гарпан» ЭКК салайааччытыгар Раиса Дмитриевна Старостинаҕа, улуустааҕы библиотека салайааччытыгар Лидия Софроновна Сыроватскаяҕа, Р.И.Шадрин аатынан Саккырыыр орто оскуолатын профкомугар, В.Н.Стручков аатынан оҕо спортивнай оскуолатын дириэктэригэр Мария Юрьевна Афанасьеваҕа, күрэх судьуйаларыгар, А.В.Кривошапкин аатынан «Айар дьиэ» кэллэктиибигэр, Александра Александровна Лонгиноваҕа, Анна Петровна Стручковаҕа, Саргылана Дмитриевна Бысыинаҕа, Вера Владимировна Гороховаҕа, Терентий Григорьевич Гороховка, Валентина Семеновна Андросоваҕа, Галина Николаевна Другинаҕа, Акулина Семеновна Стручковаҕа, Елена Алексеевна Михайловаҕа, Мария Валерьевна Ефимоваҕа, Дария Александровна Другинаҕа, бырааппыт бииргэ үөрэммит үөлээннээхтэригэр, учууталларыгар Акулина Афанасьевна Жирковаҕа, Элеонора Эдуардовна Стручковаҕа, аймах билэ дьоммутугар. Баҕарыа этибит чэгиэн доруобуйаны, чөл туругу, үлэҕитигэр үрдүк ситиhиилэри, бары үтүөнү, кэрэни-сырдыгы. Үүнэр ыччаты патриотическай иитиигэ, эт-хаан өттүнэн уhуйуллуутугар, кэскиллээх сайдыытыгар сүҥкэн кылааккытынан киэн туттабыт,” – диэн Григорий бииргэ төрөөбүт эдьиийэ Прасковья Васильевна күрэх кэнниттэн санаатын үллэһиннэ, бар дьонугар махтанна.