Нам улууһугар Уһук Илиҥҥи уокурук уонна Саха Өрөспүүбүлүкэтин көҥүл тустууга чөмпүйүөнэ Айыллаан Романов кэриэһигэр оҕолорго көҥүл тустууга өрөспүүбүлүкэтээҕи аһаҕас турнир буолла. Бу турнирга биһиги уолбут, эдэр бөҕөспүт Эрсаан Сыроватский 1 миэстэни ылан, кыайыы өрөгөйүн биллэ.
Бэлиэтээн эттэххэ, Эрсаан Дьокуускай куоракка 25№-дээх оскуолаҕа Николай Романович Крылов уонна Егор Семенович Друзьянов тренердэргэ иккис сылын дьарыктанар.
Оҕолорбут спортка бииртэн биир үрдэллэри эрэллээхтик дабайан иһэллэрин туһунан кыра эрдэхтэриттэн дьарыктаабыт, улахан убайдарын кэриэтэ буолбут тренердэрэ Петр Стручков үөрэн-көтөн туран, үөрүүлээх сонуну үллэһиннэ.
Сардаана Копырина