Нам улууһугар көҥүл тустууга норуоттар икки ардыларынааҕы кылаастаах СССР спордун маастара Иннокентий Зырянов кэриэһигэр XXVII аһаҕас өрөспүүбүлүкэтээҕи турнирга Эбээн-Бытантай эдэр бөҕөстөрө Эрсаан Сыроватский, Вася Сыромятников, Диас Сергеев бочуоттаах миэстэлэри ыллылар.
Ол курдук, уолаттар бэйэлэрин ыйааһыннарыгар кимиилээхтик киирсэн, Эрсаан уонна Диас 2-с миэстэни, Вася 3-с миэстэни ылан, үөрүү үктэллэннилэр. Бу турнирга үс миэстэ иһигэр киирбит тустууктар өрөспүүбүлүкэ сүүмэрдэммит хамаандатыгар киирэллэр.
Бу туһунан үөрүүлээх сонуну көҥүл тустууга тренер Петр Стручков үллэһиннэ.