Чурапчыга CCРС спордун үтүөлээх маастара Василий Гоголев бирииһигэр көҥүл тустууга уолаттарга Саха сирин күрэхтэһиитэ ыытылынна.
Күрэхтэһиигэ 14 хамаандаттан барыта 226 эдэр бөҕөс күөн көрүстэ. Кинилэр – 35, 38, 41, 44, 48, 52, 57, 62, 68, 75, 85, 85-тэн үөһэ кг туһуннулар.
Икки күннээх сытыы хапсыһыылар кэннилэриттэн биир дойдулаах оҕобут Вася Сыромятников 3-с бочуоттаах миэстэни ситистэ!
Үөрүүлээх сонуну оҕо спортивнай оскуолатын тренерэ Петр Стручков үллэһиннэ.