Бүгүн кэрэ айылҕалаах Дьарҕаалаах нэһилиэгин оскуолатыгар Билии күнүн үөрүүлээх тэрээһинэ ыытылынна.
«Быйыл биһиги нэһилиэкпитигэр 2 оҕо оскуоланы бүтэрдэ. Биир уол Дьокуускайдааҕы сибээс уонна информационнай технологиялар кэллиэһигэр, иккис уол Дьокуускайдааҕы олох-дьаһах коммунальнай техникумугар туттарсан киирдилэр. 10 кылааһы бүтэрбит 4 уолбут эмиэ орто үөрэххэ киирдилэр.
6 оҕо атын оскуолаҕа үөрэнэ көстүлэр. Онон, быйылгы үөрэх дьылыгар 1-9 кылааска диэри 16 оҕо баар буолуох курдук. 1 кылааска 1 оҕо киирдэ.
Учууталлар бары бааллар, физика предметигэр математика учуутала переподготовка ааһыахтаах. 3 учуутал кэтэхтэн үрдэттэ сылдьар.
Оскуола үөрэх дьылыгар бэлэм. Саҥа футболлуур былаһаакка оҥоһулла турар, оскуола спортивнай саалатыгар пристрой тутулунна.
Оҕо саадыгар 1 эдэр исписэлиис — иитээччи кэлиэхтээх,» — диэн А.С. Садовников аатынан Дьарҕаалаах оскуолатын дириэктэрин иитэр үлэҕэ солбуйааччы Клара Стручкова-Захарова кэпсээтэ.
Сардаана Копырина