Муус устар 27 күнүгэр XIV «Уямкан» байыаннай – патриотическай оонньуу буолан ааста.
Күрэх анал дьайыы кыттыылааҕа, 71289 войсковой чаас рядовойа, снайпер, “Эр санаа” уордьанынан (посмертно) наҕараадаламмыт, гиирэ спордугар Саха Өрөспүүбүлүкэтин элбэх төгүллээх чемпиона уонна призера, хорсун, киэн туттар уолбут Егор Рожин сырдык кэриэһигэр ананна.
Хапчаҕай сиригэр 4 хамаанда күөн көрүстүлэр. Оонньуу дьоһун чааһыгар улуус баһылыга Иннокентий Стручков кытааччылары уонна мустубут дьону эҕэрдэлээтэ, бу тэрээһини сыл аайы ыытар тоҕоостоох буолуо диэн бэлиэтээтэ.
Байыаннай оонньуу саҕаламмытын бэлиэтиир былааҕы Егор Адольфович уола Харысхан Рожин уонна чугас доҕоро Семен Максимов көтөҕөр чиэстэннилэр.
Күн – дьыл соччото да суох буоллар, байыаннай оонньуу кыттыылаахтара бөҕөх, эрэх – турах санаалаах күрэх түһүмэхтэригэр түһүннүлэр. Бастатан туран, чэй оргутааһын, эбиэт астааһын буолла. Бу кэмҥэ, “Хорсуннар, күүстээхтэр, сымсалар» күрэхтэрэ саҕаланна. Манна суһал көмөнү оҥоруу, миинэлээх хонууну туорааһын, бааһырбыт байыаһы сэрии толоонуттан туоратыы түһүмэхтэр көрөөччү болҕомтотун тартылар. Ордук миинэлээх хонууну туорааһын сымсаларга – сылбаларга кыалынна. Биатлон күрэҕэ эмиэ үгүс спортивнай бэлэми ирдиир буолан биэрдэ, манна оскуола оҕолоро кытыннылар, кинилэр булчут хайыһарынан күрэхтэстилэр. Бу кэмҥэ ыччаттар гиирэ анньыытыгар кыахтарын холоннулар. Салҕыы Калашников автоматын ыһыы уонна хомуйуу буолла. Эбиэт кэннэ «Лучший снайпер» , Һэрук уонна «Царь горы» күрэхтэр ыытылыннылар. Оонньуу кылаабынай суудьуйатынан Семен Максимов үлэлээтэ, улуустааҕы Оҕо саас киинэ, «Бастыҥнар хамсааһыннара», Баһаарынай чаас тэрийэн ыыттылар. Сити курдук, сымсалар хорсуннар күрэхтэрэ сүрдээх сэргэхтик буолан ааста.
- 1 миэстэ — Саккырыыр орто оскуолата, 20000 солк. бирииһи Егор Рожин кэллиэгэлэрэ “Аэропорты Севера” ;
- 2 миэстэ – Дьарҕаалаах хамаандата, 10000 солк бирииһи «Тот Ас» маҕаһыын уонна СОО;
- 3 миэстэ – ыксаллаах быһыы – майгы тэрилтэлэрэ, бирииһи урбаанньыттар А.П.Стручкова уонна Е.В.Сотрудникова туруордулар;
🔹Номинациялар:
- «Лучший снайпер» (уолаттар) — Колесов Айхал (СОО), ноутбук бирииһи Егор Рожин аймахтара туруордулар;
- «Лучший снайпер» (кыргыттар) — Сотрудникова Юлия (СОО), Егор Адольфович уола Харысхан Рожин 10000 солк уонна урбаанньыт М.М.Рожин термос туруордулар;
- «За лучший результат разборки и сборки АК-74» (уолаттар) – Данил Горохов (СОО), спонсор урбаанньыт Данзанов А.А., музыкальная колонка;
- «За лучший результат разборки и сборки АК-74» (кыргыттар) – Лидияна Готовцева, электрическая сковородка спонсор Данзанов А.А;
- «Лучший биатлонист» (уолаттар) — Баишев Айгылаан, О5о саас киинин анал бирииһэ 5000 солк.;
- «Лучший биатлонист» (кыыргыттар) — Юлия Старостина, Түгэһиир нэһилиэгин дьаһалтатын анал бирииһэ 5000 солк.;
- «Лучший санитар» — Попова Лаура, улуус дьаһалтатын санал бирииһэ, электрическая сковородка;
- «Царь горы» — Иван Колесов (Дьарҕаалаах), Рожин Е.А. бииргэ үөрэммиттэрэ туруорбут 10000 солк. ;
- «Царица горы» — Лаура Попова, Рожин Е.А. бииргэ үөрэммиттэрэ туруорбут 10000 солк. ;
- «Рывок гири» (эр дьон) – Николай Баишев (Дьарҕаалаах), Рожин Е.А. доҕотторо туруорбут 15000 солк. ;
- «Рывок гири» (дьахталлар) – Екатерина Николаева, Рожин Е.А. доҕотторо туруорбут 15000 солк. ;
- “Самый перспективный участник” — Иванова Кира (Дьарҕаалаах), оҕо уонна ыччат спортивнай оскуолатын анал бирииһэ.
