Бу күннэргэ улууска «Бастыҥнар хамсааһыннара» иитинэн киэҥ далааһыннаах тэрээһиннэр ыытыллаллар. Тэрээһиҥҥэ Дьокуускай куораттан ыалдьыттар кыттыыны ылаллар — Кира Кривошапкина, бырайыактарга салайааччы; Мария Загоренко, улуустар куратордара; Василий Васильев, Хаҥалас улууһугар «Бастакылар хамсааһыннарын” салайааччыта.
Иилиир-салайар Сэбиэт, бэрэссэдээтэл Иннокентий Стручков салайыытынан сүбэ мунньахха улуус киинин үөрэх тэрилтэлэрин, оҕо хамсааһыннарын салайааччылара кытыннылар. Мунньах сүрдээх сэргэхтик ааста, уопут атастаһан, инники үлэ былаанын ырытан түмүккэ, бары бииргэ түмсэн үлэлииргэ сөбүлэҥ ылыннылар.
Улууска бу хамсааһыны Екатерина Николаева салайар. Бүгүҥҥү күҥҥэ хамсааһыҥҥа 100 -тэн тахса оҕо уонна ыччат, төрөппүт уонна педагог регистрациялаах.
Яна Рожина