Бу күннэргэ Түгэһиир нэһилиэгэр саҥа тупсаҕай күрүөлэммит ГТО успуорт былаһааккатын хомуйууга, кырааскалааһыҥҥа субуотунньук ыытылынна.
«Биир ньыгыл Арассыыйа» баартыйа тэрийэр «Үтүө дьыала” аахсыйатыгар нэһилиэк олохтоохторо, ыччаттар кыттыыны ыллылар. Төрөөбүт дойдуга, түөлбэҕэ харыстабыллаах сыһыаннарын көрдөрөн, биир дойдулаахпыт Егор Другин дьиэ кэргэнэ, эдэр ыччаттарбыт, баартыйа ыстаабын үлэһиттэрэ үтүө холобуру көрдөрдүлэр, кинилэргэ баартыйа олохтоох салаата махталын тириэрдэр.
Санатар буоллахха, биһиги улууспутугар “Дьулуур уонна Доруобуйа» былаһаакката 2024 сыллаахха “Спорт – норма жизни” федеральнай бырайыак уонна “Биир ньыгыл Арассыыйа” баартыйа норуодунай бырагырааматын сүнньүнэн тутуллубута.
Хаартыскаҕа түһэрдэ Семен Слепцов