Тохсунньу ыйга Түгэһиир нэһилиэгин дьаһалтата анал байыаннай дьайыыга сылдьар уолаттарбытыгар дойдуларын минньигэс төрүт аһын, таҥнар таҥаһы, туттар уонна суунар тээбириннэри хомуйарын туһунан биллэрэн турар. Ойуурдаах куобах охтубат, дьонноох киһи тутайбат дииллэринии, үтүө бачыымҥа нэһилиэнньэ, тэрилтэлэр көхтөөхтүк кытыннылар.
Ол курдук, тэрилтэлэртэн төһүү күүс буолбут улуустааҕы Оҕо саас киинэ (Архипова А.П.), “Гарпан” ЭКК (Старостина Р.Д.), кииннэммит бухгалтерия (Бурнашева С.А.), кииннэммит бибилэтиэкэ ситимэ (Сыроватская Л.С.), баһаарынай чаас (Стручков И.А.), Эбээн-Бытантайдааҕы ОДьКХ (Горохов М.П.), Саккырыыр орто оскуолата (Кейметинова Т.В.), улуустааҕы социальнай харалта (Сыроватская А.К.), уот ситимнэрэ (Дмитриев В.Н.), бэтэринээринэй лаборатория (Сыроватская Е.И.), үөрэх салалтата (Потапов П.Г.), “Хаарчаана” оҕо уһуйаана (Верховская М.В.), Эбээн-Бытантайдааҕы киин балыыһа (Бочкарев Г.В.), оҕо спортивнай оскуолата (Афанасьева М.Ю.), Арассыыйа социальнай пуондатын улуустааҕы клиентскэй сулууспата (Горохова Д.С., Старостина М.И.);
үтүө санаалаах биир дойдулаахтарбыт Степан Ильич Николаев, Ольга Петровна уонна Александр Николаевич Гутовскайдар, Мария Николаевна Слепцова, Валерий Константинович Никитин, Светлана Гаврильевна Горохова, Иннокентий Алексеевич Максимов, Виктор Тимофеевич Обутов, Вера Серафимовна Слепцова, Семен Владимирович Юмшанов, Полина Пантелеймоновна, Виктор Егорович Ефимовтар, Татьяна Моисеевна Мушникова, Ия Иннокентьевна Ковалева, Людмила Афанасьевна Осипова, Акулина Софроновна Сотрудникова, Иннокентий Кириллович Никитин, Валентина Семеновна Андросова, Екатерина Михайловна Обутова, Мария Дмитриевна Горохова, Елена Ильинична Попова, Мария Саввична Сыроватская, Василий Павлович Горохов;
Саккырыыр орто оскуолатын 6 «а» кылааһын үөрэнээччилэрэ Карина Константинова, Дарьяна Сыроватская, Айгылаана Колесова;
нэһилиэк олоҕуттан туора турбат, көхтөөх уопсастыбаннай тэрилтэлэр — 28 дьиэ кэргэн кыттыылаах “Осикат” түөлбэ (Макарова М.В.), “Уран тарбахтар” (Васильева Е.Е.) “Одьак” түмсүү (Горохова Д.М.),;
тоҥ аһы-үөлү тиэйэр термодьааһыктарынан көмөлөспүт Василий Павлович Горохов, Иннокентий Кириллович Никитин, Гаврил Моисеевич Захаров, Алена Семеновна Горохова, Надежда Афанасьевна Наумова, Эбээн-Бытантайдааҕы киин балыыһа (профком Слепцова С.Е.), биир дойдулаахтарбытыгар 100 сурук бэлэмнээбит Саккырыыр орто оскуолатын үөрэнээччилэрэ, кэнчээри ыччаттарбыт;
анал дьайыы кыттыылаахтарыгар көмөнү хомуйууга уонна баһыылканы бэлэмнээн ыытыыга «Гарпан» ЭКК кэлэктиибэ (Старостина Р.Д), оҕолор байыастарбытыгар суруктарын баһыылкаларынан түҥэппит “Бастакылар хамсааһыннара” уопсастыбаннай тэрилтэ иитиллээччилэригэр (Николаева Е.Д.) Түгэһиир нэһилиэгин олохтоох дьаһалтата барҕа махталын биллэрэр.
“Күндү биир дойдулаахтарбыт, нэһилиэкпит олохтоохторо, эһиги көхтөөх сыһыаҥҥыт уонна ис дууһаҕытыттан тахсар көмөҕүт дойдубут үрдүнэн бүрүүкээбит уустук кэмҥэ дьиҥ чахчы сомоҕолоһуу уонна түмсүүлээх буолуу үтүө холобурунан буолла. Эһиги оҥорбут өйөбүлгүт дойдубут көмүскэлигэр сылдьар уолаттарбытыгар төһүү күүс, тирэх буолуоҕа,” – диэн нэһилиэк баһылыга Сергей Аликов барҕа махталын тириэртэ.
Сардаана Копырина