Төрөөбүт төрүт тыл, сурук-бичик күнүнэн Кустуур орто оскуолатыгар уус-уран айымньыны театральнай туруоруу күрэһэ 5-11 кылаастарга буолла.
Амма Аччыгыйа «Тоҕус төгүл тоҕо « 5-6 кылаастар, П.А.Ойуунускай « Оҕо куйуурдуу турара» 7 кылаастар, Эрилик Эристиин «Хачыгыр» 8 кылаастар, А.И.Софронов- Алампа «Таптал» драматын 9 кылаастар, Н.Д. Неустроев «Куһаҕан тыын» 10 кылаастар, Суорун Омоллоон «Бэйэтэ эмтиэкэ» 11 кылаастар туруордулар, улуу суруйааччыларбыт айымньыларын оонньоон көрдөрдүлэр.
Кылаастар бары даҕаны олус бэлэмнэнэн, таҥастыын-саптыын таҥнан, айымньы ис хоһоонун тириэрдэн, көрөөччүгэ кэрэхсэбиллээх киэһэни бэлэхтээтилэр.
Маны таһынан нэдиэлэ устата саха тылын, литературатын чэрчитинэн араас хабааннаах күрэстэр буоллулар. Кыраһыабай буочар, төрүт омук туттар мала-сала, киэргэлэ, булт тэрилэ быыстапка, хомоҕой хоһоон күрэҕэ учууталларга, тыл хонуута буолла. Төрөөбүт төрүт тылбыт өссө да сайдарын, сүппэтин туһугар үлэ ситимнээхтик барар.
Надежда Слепцова, И.Н. Слепцов аатынан Кустуурдааҕы орто оскуола дириэктэрин иитэр үлэҕэ солбуйааччыта