Көмүс күһүн – айылҕа ураты кэрэ, сырдык уонна алыптаах кэмэ. Бу кэми куоттарбакка, оскуолабыт оҕолоро айылҕа мааны көстүүтүн ортотугар хаартыскаҕа түһүүлэрэ ураты үөрүүлээх тэрээһин буолла.
Хаартыскаҕа түһүү – бу судургу эрэ өйдөбүл буолбатах. Бу оҕо айылҕаны кытта алтыһыыта, кини кэрэни көрөр, сыаналыыр дьоҕурун сайыннарыыта буолар. Күһүҥҥү күнү кытары үөрүү-көтүү, күлүү-оонньуу аргыстаах хас биирдии түгэн өйдөбүнньүк буолан үйэтийдэ.
Бу хаартыскалар хас биирдии дьиэ кэргэн архыыбын киэргэтиэхтэрэ, улааппыттарын да кэннэ бу сырдык, көмүс саастарын санатан үөрдүөхтэрэ турдаҕа. Кэрэни көрө, айылҕаны таптыы уонна харыстыы үөрэнэрбит маннык ураты түгэннэртэн саҕаланар.
Нина Софронова – Туйгууна, Дьарҕаалаах бөһүөлэгэ