Култуура үлэһиттэрэ барыга бары дьоҕурдаах дьон. «Гарпан» этнокултуурунай кииҥҥэ араас тэрээһиннэр тиһигин быспакка ыытыллаллар. Бу күннэргэ буолан ааспыт сүрдээх сэргэх маастар-кылаастар сэҥээриини ыллылар.
Раиса Старостина, дириэктэр: Кииммит иһинэн ыытыллар үлэлэр хайысхаларынан муостан, уҥуохтан, туйахтан музыкальнай инструменнары Мария Ивановна Аммосова, харысхаллары Владислав Васильевич Колесов хайдах оҥорорго үөрэттилэр, көрдөрдүлэр, сүбэлээтилэр. Крючогунан баайыы араас ньымаларын, схеманан өрүүнү Алена Николаевна Стручкова үөрэттэ. Өҥүнэн араарааһыны, кэрэ көстүүлээх сылаас таҥас өрөөһүн араас элбэх албастарын көрдөрдө. Айылҕа үүнээйитин туһаныыны, эмтээх оттору хомуйар кэмнэрин, эмтээх ыраастанар оту араара үөрэниини, от чэйи иһэргэ сүбэлэри, оттон чэй оҥорорго Александра Степановна, Михаил Петрович Колесовтар көрдөрдүлэр, сүбэлэрин биэрдилэр.
Яна Рожина