Эбээн-Бытантай улууһун эдэр ыччатын «Иркун» активистара «Объединение молодежных организаций улусов (районов) Республики Саха (Якутия) «ZEMA» өрөспүүбүлүкэтээҕи ыччат уопсастыбаннай тэрилтэтигэр киирэллэр. Эдэр дьон түмсүүтүн биир дойдулаахпыт Николай Попов салайар.
«Эдэр ыччаты түмэр, чөл олоҕу көҕүлүүр сыаллаах-соруктаах Саха сирин улуустарын эдэр ыччатын түмсүүлэрин холбоһуга «ЗЕМА» 2006 сыллаахха тэриллибитэ. Улуустар бары холбоһон, сомоҕолоһон араас элбэх тэрээһиннэри ыытабыт. Холобур, улахан тэрээһиннэртэн саас аайы айылҕаҕа тахсан «Чистая земля Олоҥхо» диэн ааттаах субуотунньугу тэрийэн бөҕү-сыыһы хомуйабыт, ыраастыыбыт. Күһүн спорт маастара Алексей Никифоров кэриэһигэр «Боотурдар оонньуулара» турнирга араас улуустартан ыччаттар түмсүүлэрэ күөн көрсөбүт. Маны тэҥэ «Снежный десант» диэн аахсыйа чэрчитинэн улуустарга баран волонтерскай көмөнү оҥоробут. Ону таһынан араас улахан кэнсиэртэр, култуурунай тэрээһиннэр ыытыллаллар. Соторутааҕыта «Сүрэхтэнии» диэн «ЗЕМА”-ҕа саҥа киирбит оҕолорго анаан тэрээһин буолан ааспыта. Үстүү улууһу холбоон канат тардыһыыта, харгыстаах балаһаны туорааһын уо.да. түһүмэхтэрдээх курэхтэһиини ыыппыттара. Онно биһиги Анаабыр улууһун эдэр ыччатын «Элдэн суһума» активистарын уонна Верхоянскай улууһун «Үрүҥ хайа» түмсүүтүн кытта холбоһон кыттыыны ылбыппыт.
Маннык араас улуустар оҕолорун кытта билсэн, тэҥҥэ сылдьыһан устудьуон олохпут умнуллубат көрдөөх күннэрин атаарабыт. Түгэнинэн туһанан, Эбээн-Бытантай улууһун эдэр ыччаттарын биһигини кытта тэҥҥэ сылдьаргытыгар ыҥырабыт,» — диэн биһиги улууспут устудьуоннарын, эдэр ыччаттарын «Иркун» түмсүүлэрин салайааччыта Николай Попов ыҥырар.