Балаҕан ыйын 8, 9 күннэригэр «Полярнай авиалиниялар” хампаанньа бөртөлүөтэ эрдэттэн болдьоммут ыраах сытар ыстаадаларга, сылгыһыттар сирдэригэр көтөн, тыаҕа үлэлиир хоту сир дьоно Судаарыстыбаннай Дуума IX ыҥырыытын дьокутааттарын быыбарыгар куоластыыр бырааптарын толору туһаннылар.
«Улууспут үрдүнэн 7 учаастакка сылдьан куоластааһыны тэрийдибит. Ол курдук, Саккырыырга – 2, Дьарҕаалаахха – 2, Кустуурга – 3 учаастакка сырыттыбыт. Саккырыыр ыстаадаларыгар 687№-дээх учаастактааҕы быыбардыыр хамыыһыйа чилиэннэрэ 13 киһини, Дьарҕаалаах сиригэр 686№-дээх учаастактааҕы быыбардыыр хамыыһыйа чилиэннэрэ 8 киһини, Кустуурга 688№-дээх учаастактааҕы быыбардыыр хамыыһыйа чилиэннэрэ 20 киһини куоластаттылар. Улууспут үрдүнэн 41 быыбардааччы куоластарын биэрдилэр. Быыбар бары ирдэниллэр усулуобуйаҕа тэрээһиннээхтик ыытылынна,» — диэн Эбээн-Бытантай улууһун территориальнай быыбардыыр хамыыһыйа бэрэссэдээтэлэ Анна Слепцова сырдатта.
Сардаана Копырина