Эбээн-Бытантай улууһугар үс күннээх долгутуулаах быыбар түмүктэннэ. Дьэ эрэ, доҕоттор, түмүктэр хайдах буоллулар?
Саха Өрөспүүбүлүкэтин Ил Дарханын уонна норуот дьокутааттарын быыбарыгар биһиги улууспутугар 1892 быыбардааччы баар эбит буоллаҕына, Игорь Борисовка – 33, Виктор Губаревка – 78, Айсен Николаевка – 960, Гаврил Парахиҥҥа – 7 киһи куоластаата.
СӨ Арктическай эрэгийиэннээҕи бөлөҕөр норуот дьокутааттарын быыбарыгар хандьыдааттары туруорбут баартыйалар испииһэктэринэн көрдөххө, «Справедливая Россия” баартыйа – 91, ЛДПР – 16, “Новые люди” – 95, КПРФ – 137, “Биир Ньыгыл Арассыыйа” – 724, “Родина”- 10 куолаһы ыллылар.
35№-дээх Арктическай одномандатнай быыбардыыр уокурукка 1882 быыбардааччы баарыттан, Аркадий Клепечиҥҥа – 118, Валентин Климентовка – 24, Владимир Кычкиҥҥа – 78, Семен Макаровка – 27, Игорь Потаповка – 71, Виталий Чикачевка – 740 киһи куоластаата. 
Муниципальнай таһымнаах быыбарга 2045 быыбардааччы баарыттан, «Эбээн-Бытантай национальнай улууһа (оройуона)” МР баһылыгын дуоһунаһыгар үс хандьыдаат турбутуттан Гаврил Гороховка – 475, Иннокентий Стручковка – 489, Тамара Томскаяҕа – 117 киһи куоластаатылар.
Оройуон сэбиэтин дьокутааттатыгар Анастасия Архипова – 416, Виктор Горохов – 497, Наталья Дмитриева – 388, Полина Ефимова – 386, Татьяна Петрова – 186, Сардана Софронова – 180, Тамара Шадрина – 259 куолаһы ыллылар.