Буолаары турар өрөспүүбүлүкэтээҕи уонна муниципальнай таһымнаах быыбардарга мөлтөх суоллаах-иистээх сирдэргэ, таба ыстаадаларыгар, ыраах ходуһаларга отчуттарга, тэйиччи сытар учаастактарга болдьоҕун иннинэ куоластааһын атырдьах ыйын 20 күнүттэн саҕаланна уонна балаҕан ыйын 7 күнүгэр диэри салҕанан барыа.
Бу күннэргэ, чуолаан атырдьах ыйын 30 күнүгэр 687 №-дээх учаастактааҕы хамыыһыйа чилиэннэрэ Чаалый ходуһатыгар сиринэн айаннаан тиийэн,11 быыбардааччыны куоластаттылар.
«Эбээн-Бытантай улууһугар территориальнай уонна учаастактааҕы быыбардыыр хамыыһыйалар чилиэннэрэ тэйиччи сытар учаастактарга көтөр аалынан 9 уонна сиринэн айаннаан 10 учаастакка сылдьан быыбардааччылары хабыахтара», — диэн территориальнай быыбардыыр хамыыһыйа бэрэссэдээтэлин э.т. Михаил Тарабукин сырдатта. 
