Уһук хоту дойдубутугар сааскы ылааҥы күннэр саҕаланнылар. Ону тэҥэ киһи сүргэтэ көтөҕүллэр, ис иһигэр ыллыан баҕарар. Ырыа киһини кынаттыыр, бөҕөргөтөр, инникигэ эрэллиир диэн санааҕа уйдаран Оксана Боярская күн бүгүнүгэр диэри өр сылларга култуура эйгэтиттэн тэйбэккэ үлэлии-хамсыы, ылбаҕай ырыаларын дьоҥҥо бэлэхтиир.
Оксана Егоровна 1987 сыллаахха Дьокуускайдааҕы култуура училищетын дирижерскай-хоровой отделениетын ситиһиилээхтик бүтэрэн төрөөбүт дойдутугар үлэлии кэлиэҕиттэн, сыл-хонук уу курдук сүүрүгүрэн аастаҕа. Кини билигин култуура Туйгуна, үлэ бэтэрээнэ, сахалыы, эбээннии ырыа мелодиһа, Саха сирин норуотун уус-уран айымньытын бочуотунай Бэлиэтин хаһаайына. Кустуур кулуубун үлэтигэр олоҕун анаан, үлэни, сынньалаҥы дьүөрэлээн уус-уран салайааччынан уһуннук, ситиһиилээхтик үлэлээбитэ олус сыаналанар.
Оксана Егоровнаны кытта сэргэ ол кэмнэргэ , Роберт Афанасьевич Колесов кэргэнэ Зинаида Анатольевналыын үөрэхтэрин бүтэрэн үлэлии кэлбиттэрэ. Бары ырыа көмүс дорҕоонугар уйдаран, кэрэхсэбиллээх үлэҕэ умсугуйан билигин да оҕону-ыччаты култуура эйгэтигэр сыһыаран түбүгүрэн үлэлэһэллэр, айа-тута сылдьаллар.
Култуура сылынан итиэннэ Аан дойду дьахталларын күнүнэн ырыа куттаах Далбар Хотуттары, күндү ийэлэри иһирэхтик эҕэрдэлиибит! Истиҥ-сэмэй ырыаҕыт куйаарга иһиллэ-көтө турдун, баҕа санааҕыт туолан истин, доруобай, чөл туруктаах, дьоллоох-соргулаах буолуҥ, кэрэни-үтүөнү кэрэһэлии туруҥ!
Тамара Шадрина, биһиги уопс. кэрр.