Чааһынайдар от үлэтин үмүрүтэ охсоору номнуо охсон саҕалаабыт отторо, барыта ууга олоччу баран айманаллар. Бу туһунан иһитиннэриилэр Саха Өрөспүүбүлүкэтин Тыатын хаһаайыстыбатын министиэристибэтигэр тиэрдиллэн тураллар.
Николай Горохов, тыа хаһаайыстыбатын салалтатын салайааччыта:
- Баатаҕай Алыытыгар 261 га иэннээх барыта 5 оттуур ходуһа баар. Кустуурга 456 га иэннээх 14 ходуһа сирэ, Дьарҕаалаахха 190 га иэннээх 3 ходуһа. Бу барыта 1066 га иэннээх сүрүн оппутун ылар ходуһаларбыт 100% ардах уутун халааныгар былдьаннылар. Ханнык да тиэхиньикэ тахсар кыахтара суох, үүммүт оппут сытыйар куттала үөскээтэ. Кыстыыр от хааччыллыытыгар улахан харгыс таҕыста. Бүгүҥҥү күҥҥэ кыстыкка киирэр от саппааһа суох.
Бу туһунан Петр Слепцов, “Саха сүөһүтэ” генофондаҕа ХТ “Бытантай” питомник салайааччыта:
—От ыйын 20-21 күннэригэр баран ходуһаларбытын көрөн кэллибит. Хартыына дьулаан. Ходуһаларбыт барыта үрэх кудук уста сыталлар. Ууну ыытар үлэлэри тэрийдибит. Ол да үрдүнэн хаһан оттуурбут ыарахаттардаах балаһыанньа буолла.
Ксения ГОРОХОВА
Хаартыска: Петр СЛЕПЦОВ