Саҥа үөрэх дьылын көрсө Үөһээ Бытантай нэһилиэгэ сыл ахсын үтүө үгэскэ кубулуйбут “Оскуолаҕа барарга көмөлөс” аахсыйаҕа кыттыыны ылла.
Бу аахсыйаны олохтоох дьаһалта иһинэн тэриллибит уопсастыбаннай сэбиэт тэрийдэ. Социальнай өйөбүлгэ наадыйар дьиэ кэргэттэр оҕолоругар үөрэх тээбирининэн оскуолаҕа барарга көмөлөстүлэр. Аахсыйаҕа оскуола кэлэктиибин учууталлара биир санаанан кыттыһан тэрээһини өйөөтүлэр.
Төрөөбүт дойдутуттан төһө да ыраах сырыттар, анал дьайыы кыттыылааҕа Иван Иванов бастакы кылааска киирэр Айлан Баишевка анаабыт сэмэй бэлэҕин туттардыбыт.
Үтүө санаа аахсыйата хас биирдии дьиэ кэргэҥҥэ, оҕоҕо үөрүүнү, сырдыгы, эрэли үөскэттэ.