Василий Колесов оҕо эрдэҕиттэн таба иитиитин уустук дьыалатыгар эриллэн улааппыта.
Үөрэҕэр айылҕаттан үчүгэй этэ, ордук математика предметын сөбүлүүрэ. Намҥа программист идэтигэр үөрэммитэ эрээри, утум тардар дииллэринии табатыгар төннүбүтэ. «Ленинскэй» сопхуос звеневода, чулуу табаһыт, булчут уолбут 2023 сыллаахха Ийэ дойдутун көмүскүү туруммута. Бииргэ сылдьыбыт уолаттара, Васяны олус хорсунун, бэһиэлэйин уонна кырдьыксытын иһин сөбүлээбиттэрэ.
2024 сыл олунньутугар Вася утарылаһааччы тирэх пуунун ылыытыгар, этэрээтин туоруурга бирикээстээн баран өстөөх буулдьатыгар олоҕун геройдуу толук уурбута.
Василий Колесов Жуков аатынан мэтээлинэн уонна «Эр санаа» уордьанынан наҕараадаламмыта. Вася (Ботохо) сырдык кэриэһигэр аймахтара, доҕотторо таба сүүрдүүтүгэр 7,5 км. Муҥутуур кыайыылааҕар 100000 солк. Бириис туруораллар.
Геройдар ааттара үйэлэргэ өлбөөдүйбэт!