Бу күннэргэ улуус киинигэр «Мин биисинэһим» киин — дьоҕус урбаанньыттары өйүүр судаарыстыбаннай тэрилтэ өҥө биэрэр салаатын менеджера Анна Мостахова үлэлиир.
- Үтүө күнүнэн! Мин үлэм сырыытын сыалынан урбаанньыттарга уонна бэйэ дьыалатын арыныан баҕалаахтарга сүбэ биэриитэ буолар. Билиҥҥи кэмҥэ урбаанньыттары өйүүр араас миэрэлэр бааллар, онтон биирдэстэринэн үбүлээһин граннар буолаллар. Холобур, Саха Өрөспүүбүлүкэтин тыатын хаһаай—ыстыбатын министиэристибэтин нөҥүө билигин тыа сирдэрин бэкээринэлэрин, сельхоз назначениелаах сирдэргэ өйөбүл ылыахха сөп. Ону тэҥэ, Урбаан министиэристибэтин нөҥүө туризм хайысхатыгар, “событийное мероприятие”, ол эбэтэр араас бэстибээллэри, дьоро түгэннэри уонна да атын маныаха тэҥнээх тэрээһиннэри ыытыыга диэн өйөбүллэр бааллар. Онтон, СӨ Үлэ уонна социальнай сайдыы министиэристибэтинэн “социальнай хантараак” өйөбүл туһунан бары билэргит буолуо, бу өйөбүл иитинэн бэйэ дьыалатын саҕалыырга 500 000 солк. тиийэ өйөбүлү туһаныахха сөп. Даҕатан эттэххэ, социальнай хантараакка киириигэ өйөбүл быһыытынан биһиги киин бизнес-былаан оҥорорго көмөлөһөбүт. Биһиги кииммит араас өҥөлөрдөөх, ол курдук эһиги рекламаҕытын оҥотторуоххутун сөп. Ол эбэтэр, фотосессия, логотипкытын уонна да атыны, биир тылынан эттэххэ брендбук оҥосторгутугар көмөлөһөбүт. Ону тэҥэ, биһиги кэккэ тэрилтэлэри кытары сөбүлэҥмит иитинэн эһиги бухгалтерскай учуот, тендердарга кыттааһын чаастарыгар сүбэ ылыаххытын сөп. Кылгастык сырдаттахха сити курдук. Манна чэппиэр күҥҥэ диэри үлэлиибин, кэлэн билсиҥ, сүбэлэһиҥ.
Биһиги улууспут социальнай-экэнэмиичэскэй сайдыыта урбаанньыттартан быһаччы тутулуктаах. Тыйыс усулуобуйалаах хоту сиргэ бэйэ дьыалатын тэринэн олох уйгутун уһансар хорсун дьоммутугар судаарыстыба өйөбүлэ төһүү өйөбүл. Онон, тустаах исписэлиистэн улуус дьаһалтатын дьиэтигэр кэлэн сиһилии сүбэ-ама ыларга тиэтэйиҥ. Үлэлиир чааһа сарсыарда 9-тан киэһэ 6 чааска диэри, эбиэт 12.30 мүн. күнүс 14.00 ч.
Ксения ГОРОХОВА
Хаартыска: Семен СЛЕПЦОВ