Быйылгы кыстыкка татым оттоох хаһаайыстыбаларга өрөспүүбүлүкэбит кииниттэн 262 туонна от тиэйиллиэхтээх. Бу күннэргэ Амма Абаҕатыттан бастакы үс массыына 42 туонна от тиэйиилээх кэллэ.
Бэлиэтээн эттэххэ, Арассыыйа Федерациятын сокуонунан тыа хаһаайыстыбатын сүөһүлэрин (ынах, сылгы, о.д.а.) булгуччулаах маркировкалааһын ирдэнэр. Бу сүөһү сыстыганнаах ыарыыларын бохсор, учуоту чуолкайдыыр уонна бородууксуйа хаачыстыбатын кэтиир сыаллаах оҥоһуллар. Хас биирдии сүөһү тус нүөмэрдээх буолан, судаарыстыбаннай систиэмэҕэ киирэр. Бу ирдэбил сүнньүнэн ханнык баҕарар үбүлээһин, өйөбүл чииптээх эрэ сүөһүгэ бэриллэр. Онон, сүөһү иитэр дьоммут маркировканы кэмигэр тиһиктээхтик ыытан, өйөбүллэри туһанарга сүрүн тирэхпит буоларын өйдүүрбүт наада диэн тыа хаһаайыстыбатын салалтата санатар.
Сардаана Копырина