Бу күннэргэ Дьарҕаалаах нэһилиэгэр дьон-сэргэ наадыйар, толору хааччыллыылаах быраастар мобильнай биригээдэлэрэ кэлэн мэдисиинэ көмөтүн оҥордулар. Олохтоохтору барыларын хабан көрдүлэр-иһиттилэр. Күн-дьыл туругунан кыратык хаайтардылар.
Төһө да хаайтара сытан, нэһилиэнньэҕэ ыарыыттан сэрэтэр, харыстыыр дьаһаллары ыыттылар. Ол курдук, оҕо бырааһа оскуола оҕолорун кытта көрсөн, гирииптэн харыстаныыга, ыраас-чэбдик буолууга бэсиэдэни ыытта.
Маны тэҥэ спорду, чөл олоҕу көҕүлээн хамаанда туруоран волейболга, көрдөөх сүүрүүгэ олохтоохтору кытары күрэхтэстилэр.
Барар күннэригэр быраастар мобильнай биригээдэлэрэ ыалдьытымсах Дьарҕаалаах дьонугар истиҥник махтанан, үтүө санааларын эттилэр. Биһиги, олохтоохтор, эмиэ бэйэбит өттүбүтүттэн үрүҥ халааттаах аанньалларбытыгар махтанныбыт.
Нина Софронова — Туйгууна