Кыра бөһүөлэккэ сырдык, икки этээстээх аныгылыы оҥоһуулаах, улахан дьиэ тутуута түмүктэнэрин дьон – сэргэ долгуйа кэтэһэр.
Саҥа оскуолабыт көҥдөйө тутуллан бүтэн, билиҥҥи кэмҥэ ис өттүгэр күргүөмнээх үлэ ыытыллар. Манна арааһынай идэлээх дьон мустан, хас биирдиилэрэ чопчу соруктаах үлэлэрин түмүктүү охсорго кыһаллаллар.
Биһиги үлэ – хамнас хаамыытын билистибит.
Иван Винокуров, уот ситимин тардааччы:
Иван Винокуров, Электромонтажник
— Электромонтаж үлэһитэбин, куоракка эмиэ бырайыактардаахпыт, билигин Уус-Алдаҥҥа оскуола уотун оҥорон туттаран кэлэн, бу иккис үлэбитин саҕалаан эрэбит. Биир халыыпка барытын эппиэттиир гына, µстээх проводнай евроотделка гына оҥоһуллар, билиҥҥи кэм ирдэбилинэн бырайыакка барытыгар эппиэтиир гына оҥоро сылдьабыт. Матырыйаалбыт, туттар малбыт барыта баар, онон бэриллибит кэмҥэ бүтэрэр былааннаах сылдьабыт.
Салгыны ыраастыыр вентиляция туруорааччылар:
— Биһиги үлэбитин түмүктээн эрэбит, бу ый 29 -гар диэри бүтэрэн барабыт. Онтон күһүн тойоммутун кытта кэлэн, бу оҥорбут үлэбитин холбоон туттарыахтаахпыт.
— Работа идет хорошо, немножко осталось, скоро все закончим. Нужно все завершить желательно до сентября, крайний срок октябрь сказали, — диэн истиэнэ, муоста, ис-тас үлэлэри ыытааччылар үлэлэрин хаамыытын үллэстэллэр.
Онон, балаҕан ыйын 1 күнүгэр сүҥкэн суолталаах тутуу-саҥа оскуола аанын арыйан оҕолорбут киэҥ-куоҥ, аныгы ирдэбилгэ эппиэтиир усулуобуйаҕа үөрэниэхтэрэ, билиилэрин хаҥатыахтара.
Марианна СЛЕПЦОВА