Дьокуускай куорат Марха микро-оройуонугар «Биир Ньыгыл Арассыыйа” норуодунай бырагырааматын чэрчитинэн саҥа тустуу саалата үлэҕэ киирбитинэн көҥүл тустууга өрөспүүбүлүкэтээҕи күрэхтэһии буолла. Биһиги улууспутуттан үс оҕо тустан, Еремей Рожин бэйэтин ыйааһыныгар чөмпүйүөн үрдүк аатын ылла.
«27 киилэ ыйааһыҥҥа 12 оҕо кыттыбытыттан кэскиллээх тустуук уолбут Еремей Рожин чөмпүйүөннээтэ. 30 киилэ ыйааһыҥҥа эмиэ 12 кыттааччы баарыттан Аким Слепцов 3 бочуоттаах миэстэ буолары ситистэ. 37 киилэ ыйааһыҥҥа Павел Слепцов куһаҕана суохтук туһунна.
Билигин Дьокуускай куорат 25№-дээх оскуолатыгар оҕолорбут лааҕырга сылдьаллар.
Сотору кэминэн Павел Пинигин турнира буолар. Дьэ, ол кэнниттэн сынньалаҥҥа барабыт,» — диэн тренер Петр Стручков сырдатта.
Сардаана Копырина