— От хампаанньатыгар үүнүү мөлтөҕүнэн, күн – дьыл да туругунан харгыстар үөскээтилэр. Улууска ыксаллаах быһыы-майгы балаһыанньата биллэриллэн турар. Баар суох сүөһүбүт аһылыгын бары күүһү түмэн, хаалбыт былдьаһыктаах күннэргэ ыллахпытына сатанар. Үлэ кэлэктииптэрэ оттооһун субуотунньуктарыгар күүскэ кыттыһаргыт ирдэнэр, тэрилтэ салайааччылара тиэрдиллибит былааны толороргут тоҕоостоох. Чугастааҕы сирдэринэн күннээҕи суботунньуктар эмиэ тэриллэллэр. Биирдиилээн дьон күннээҕи субуотунньуктарга кыттыһаргытын күүтэбит, ходуһаларга тиэрдии, аһылык чааһа барыта быһаарыллан турар. Ыччат дьоммут, туора турбакка кыттыһыаххыт диэн эрэнэбин.
***
— «ОДьКХ-ҕа сайыҥҥы өрөмүөн үлэтэ салҕанар. Киинтэн ититии кыраапыкка олоҕуран атырдьах ыйын 29 күнүттэн холбонуоҕа. Ититэр ситимнэргэ коммунальнай хаһаайыстыба сайаапканан сууйуу үлэтин ыытар. Бүгүҥҥү күҥҥэ ОДьКХ кыстыкка 70% бэлэм, — диэн дириэктэр Максим Горохов иһитиннэрдэ.
***
— Р.И.Шадрин аатынан Саккырыыр орто оскуолатыгар дириэктэр дуоһунаһыгар куонкурус биллэриллэн турар. Бүгүҥҥү күҥҥэ бу оскуолаҕа химия, нуучча уонна английскай тыллар предметтэргэ учуутал үлэтин миэстэтэ аһаҕастар. Үлэлии кэлэр, 40 диэри саастаах үөрэх эйгэтин исписэлиистэрин дьиэнэн хааччыйыы бырагыраамаҕа киирэн үлэлии кэлиэхтэрин сөп. Бу бырагырааманан дьиэни атыылаһарга 50 % ороскуота толуйуллар, хантараак 5 сылга түһэрсиллэр. Олохтоох киһи бырагыраамаҕа эмиэ киириэн сөп. Ол эрэн, холобура өскөтүн учуутал үлэлии сылдьыбыт оскуолатыттан уурайан баран, хат кэлэн эмиэ бу оскуолаҕа киирэрэ көҥүллэммэт. Атын оскуолаҕа бырагырааманан үлэлии барыан сөп. Кустуур оскуолатыгар хаадыр боппуруоһа толру быһаарыллан турар. Дьарҕаалаахха нуучча тылын учууталын миэстэтэ аөаҕас, манна эмиэ бырагырааманан кэлиэхтэрин сөп. Сайыҥҥы сынньалаҥ лааҕырдара үс нэһилиэккэ үлэлээтилэр. Билиҥҥи кэмҥэ куруһуок быһыылаах дьарыктар ыытыллаллар, — үөрэх салалтатын салайааччыта Петр Потапов.
***
— “Хаарчаана” уһуйааҥҥа икки саҥа исписэлиис үлэлии кэлэр, иитээччи эдэр киһи уонна уопуттаах култуура эйгэтин үлэһитэ муусука салайааччытынан. Исписэлиистэр олорор дьиэлэрэ быһаарыллыбыта, куортам чааһа улуус дьаһалтатын өйөбүлүнэн муниципальнай бырагырааманан быһаарылынна.
***
— Биһиги улууска чубукуну бултааһыҥҥа 150 лицензия кэлбитэ, баҕалаахтар суохтар. Госуслуги уонна Элбэх өҥөнү оҥорор киин нөҥүө лицензияны ылыахха сөп, — Виктор Стручков, айылҕа харыстабылын инспекцията.
***
— Бу күннэргэ торбоһу массыына дэҥнээтэ. Бу сүөһү иитэр киһиэхэ улахан хоромньу. Кистэл буолбатах, кэлиҥҥи кэмҥэ оҕолор уруулга олороллоро үгүс. Өскөтүн араас түбэлтэ тахсар түгэнигэр, төрөппүт эппиэтинэһи сүгэр. Оҕо да олоҕор кутталлаах.
Тиэхиньикэлээхтэр суолга сэрэхтээх буоларгытыгар!
***
— От ыйын 28 күнүттэн улахан чаҕылханнаах этиҥ кэмигэр куйаар ситимин хааччыйар икки оператор тэриллэрэ алдьаммыттара. Билиҥҥи кэмҥэ РЦИТ тэрилэ тиэллэн кэлэн, толору таҥылынна, — диэн 1 категориялаах инженер Павел Попов иһитиннэрдэ.
Ростелеком абоненнара туһамматах күннэргитигэр 8-800-100-0800 сайаапка быһыытынан төлөбүр хат ааҕыытын аахсыаххытын сөп.