Эбээн Бытантай национальнай улууҺа тэриллибитэ 35 сылын иитинэн тэрээҺиннэр чэрчилэринэн «Саккырыр» аэропорт сирин- уотун тупсарыыга ордук үчүгэй эскиз бырайыагын күрэҺэ бу саас улуус дьаҺалтатынан биллэриллибитэ.
Күрэскэ барыта 5 үлэ киирбититтэн, Оҕо саас уруһуйга куруһуок уһуйааччыта Мир Слепцов үлэтин анал хамыыҺыйа үрдүктүк сыаналаата. Кыайыылаахха улуус баҺылыга Иннокентий Стручков үөрүүлээх быһыыга 25000 солк. сертификат бэлэх туттарда.
Салгыы улуус дьаһалтата бу бырайыагынан олохтоох көҕүлээһиннэри өйүүр бырагыраама күрэһигэр кыттар былааннаахтар. «Этэҥҥэ ППМИ күрэһигэр кыайдахпытына, Мир Николаевич бырайыага олоххо киириэҕэ. Улууспут киинин «аана» кэрэ көстүүлээх буолуох этэ»,- диэн Иннокентий Николаевич санаатын үллэҺиннэ.