Бэҕэһээ, Аҕа баһылык Иннокентий Стручков Арассыыйаҕа Ил Дархан анал бэрэстэбиитэлэ Александр Акимовтыын көрүстэ. Мунньахха бары миниистирдэр уонна хоту улуустар баһылыктара кытыннылар. Улахан таһымнаах мунньахха Иннокентий Николаевич оскуолалар тутууларын туруоруста. «Сыл аайы өрөспүүбүлүкэҕэ 15 оскуола тутуллан үлэҕэ киирэр. Биһиги оскуолаларбыт инники уочаракка баар курдуктар, тутуулара өр кэмҥэ былааннанар эрээри, сыл аайы сыҕарыйан уһаан иһэрэ сатамньыта суох. Болҕомтоҕо ылан оскуолаларбыт тутуулара ыытыллыан наада «,- диэн Иннокентий Николаевич туруоруста. Инникитин 15 оскуола тутуллан үлэҕэ киирэр үтүө бачыым олоххо хаалыа дуо, диэн экэниэмикэ миниистириттэн эмиэ ыйыттылар, бу тула кэпсэттилэр. Маны тэҥэ, үөрэх эйгэтин үлэһиттэрин ахсаанын сарбыйыыны ырыттылар. Онуоха үрдүк сололоох салайааччы Александр Акимов хоту улуустарга үөрэх да доруобуйа харыстабылын да үлэһиттэрин сарбыйыы суох буолуохтааҕын, Бу үлэ тохтууругар тоһоҕолоон эттэ. Арктика эргиэн олох-дьаһах усулуобуйата ураты тыйыс, ыарахан. Онон, хоту улуустар хааччылыыларыгар быддьүөттэн үбүлээһини толору кээмэйинэн тиэрдии, ураты болҕомтолоох сыһыан ирдэнэрин эттэ. Ил Түмэн Судаарыстыбаннай мунньах Сис кэмитиэтин Бэрэссэдээтэлэ Елена Голомарева хоту улуустарга Үлэ миэстэтин сарбыйыыны утарарын эттэ Мунньахха ХИФУ бэрэстэбиитэлэ хоту улуустары хаадырынан хааччыйыы туһунан кэпсээтэ. Ол курдук, ХИФУ үөрэх кыһатыгар сыл аайы 400-тэн тахса целевой миэстэ көрүүлэриттэн, бу миэстэлэргэ киириэн баҕалаах ахсаана аҕыйаҕын ыйда. Онон, кэлэр сылтан бүддьүөт миэстэтин сарбыйан, целевой миэстэҕэ эрэ киирэри хаалларар сабаҕаланарын эттэ. Маннык быһаарыы хаадыр хааччыллыытын боппуруоһун быһаарар сыаллаах. Онон, тустаах тэрилтэлэр Манна тиһиктээх үлэни ыыталлара ирдэнэр.
Мин улууһум-мин дьылҕам
