Кытыы нэһилиэк олохтоохторун сүрүннээн сир – уот боппуруостара долгутар

Ол курдук, кэлиҥҥи сылларга айылҕа көстүүтэ биллэ уларыйда.

 

Урукку сылларга дьарҕаалаахтар туоннанан отон туттарар буоларбыт. Билигин  аатырбыт тирэх отонноох сирдэрин сылгы тэпсэн, үстүү сыл кэриҥэ сир аһа үүммэт буолбутун, онон бу сирдэри күрүөлээн, отоннорун өлгөм үүнүүтүн сөргүтэр баҕалаахтарын эттилэр. Манна, сир — уот боппуруостарыгар салаа салайааччыта Динара Корнилова, – « Бу сирдэр Ойуур фондатын сирдэрэ буолалларын, ол эбэтэр судаарыстыба сирэ диэн ааҕыллар. Ойуур хаһаайыстыбатын Департаменыгар сайаапка түһэрэн, аукцион быһаарыытынан куортамҥа ылыахтарын сөбүн, быһа холоон 2 га сир сылга куортама 15 тыһ.солк. тэҥнэһэрин эттэ. Ойуур фондатын сирдэрэ 49 сылга куортамҥа бэриллэллэр.» «Биһиги улууспутугар барыта 52000 га иэннээх сирдээхпит, онтон 10 тыһ. га «т/х сирдэрэ” диэн  кыраныыссаламмахха турар. Тоҕо диэтэр, 2004 сыллаахха бу сирдэрбит тустарынан Росреестрга иһитиннэрии киирбэтэх. Манна элбэх үп ирдэнэр. Сир ылааччы межевание, лесной участок бырайыагын оҥотторуохтарын наада, ол кэннэ ойуур сыһыаннаһыыларын Департаменыгар аукцион нөҥүө бэриллэр. Биһиги бүгүҥҥү күҥҥэ иһитиннэриини биэрэн олоробут. Биллэн турар, тутатына быһаарыллыбат. Онон, манна үлэ ыытыллар, сирбитин докумуоннаан оҥотторор барыбыт интэриэспит,”- диэн Иннокентий Николаевич бу боппуруоһу түмүктээн быһаарда. Ону тэҥэ, оскуола – саад тутуута өр кэмҥэ тардыллыбытын, түргэтэтэргэ тоҕоостооҕун оскуола дириэктэрэ Сергей Иванов туһаайан эттэ. Маныаха Иннокентий Николаевич, бу эбийиэк  тутуута үһүс уочаракка турбутун ыйда. Салгыы суол – иис, сыбаалка көрүүтүн, эмп – томп атыыта тэриллэрэ наадалааҕын, олох-дьаһах уйгутун тула кэпсэттилэр. Маны таһынан, “АТЛК” – Арктическая торгово – логистическая хампаанньа, нэһилиэктэргэ консигнатордарыттан бородуукта тиэллиитигэр 30% эрдэтинэ төлөбүрүн ирдииллэрэ табыгаһа суоҕун, хоту улуустарга ыарахаттардааҕын эттилэр. Социальнай – суолталаах бородууктаны тиэрдии, батарыы мэхэниисимин табыгастаах өттүн көрөллөрүгэр ситэриилээх былаас иннигэр туруорар тоҕоостоох. Бу кыһалҕа хоту улуустарга барыларыгар баар, бу туһунан АТЛК дириэктэрэ этэн турар, —  диэн Аҕа баһылык өйөөтө. Тиэллэн кэлэр уматык кээмэйэ кыратын, манна туох үлэ барарын эмиэ сиһилии ырыттылар.

Сити курдук, кытыы нэһилиэк олохтоохторо мунньахха сүрдээх көхтөөхтүк кыттан, ыйытыыларыгар сөптөөх хоруйдары, быһаарыы ыланнар, ааспыт сыллааҕы үлэ түмүгүн биһирииллэрин эттилэр.

Хаартыскаҕа Ньургун Боярскай түһэриитэ.

Читайте дальше