И. Н.Слепцов аатынан Кустуур орто оскуолата «Айылҕа бэлэҕэ» атыы-эргиэн дьаарбаҥкатын ыытта. Тэрээһиҥҥэ 1 кылаастан саҕалаан бары үөрэнээччилэр кытыннылар.
Дьаарбаҥканы 8 кылаас үөрэнээччилэрэ Кирилл Слепцов уонна Валерия Горохова ыыттылар, оонньуу да оонньоттулар. Күһүҥҥү араас оҕуруот аһа, кус-хаас, куобах, балык ботуччу атыыланна. Сир аһа — отон, сугун, уохта барыанньата хамаҕатык барда. Араас ас көрүҥэ дэлэйдик атыыланна.
Дьаарбаҥкаҕа икки көрүҥүнэн күрэх буолла. Остуолу киэргэтии, эриэккэс ас астааһына. Эриэккэс ас, остуолу, зонаны киэргэтии күрэҕэр 2-с, 3-с, 6-с, 8-с, 11-с, 9-с кылаастар кыайан грамотанан уонна «Тотас» маҕаһыын сэртипикээтинэн, харчынан бириэмийэни туттулар. Оҕолор атыыга киирбит харчылара кылаас фондатыгар киирэр.
Дьон-сэргэ илии тутуурдаах үөрэн-көтөн тарҕастылар.
Кустуур орто оскуолатын иитэр үлэҕэ дириэктэрэ Надежда Слепцова