Анал байыаннай дьайыы кыттыылааҕа, «Эр санаа” уордьан кавалера, «Саха сирин эрэлэ” бэлиэ хаһаайына, дэгиттэр талааннаах уолбут, муусука, култуура эйгэтигэр бэлиэ суолу хаалларбыт, спорду, чөл олоҕу өрө туппут, тустуу көрүҥэр үгүс кыайыылаах-хотуулаах, үрдүк ситиһиилэрдээх чаҕылхай ыччаппыт Иван Семенович Горохов сырдык кэриэһигэр анаммыт оҕолорго көҥүл тустууга аһаҕас турнир үрдүк таһымнаахтык буолан ааста.
Күрэхтэһиини Иван Семенович тапталлаах кэргэнэ Лидия Андреевна уонна спорт энтузиастара Христина, Петр Стручковтар дьиэ кэргэттэрэ көҕүлээн, “Эбээн-Бытантай национальнай улууһа” МР дьаһалтата, Түгэһиир нэһилиэгин олохтоох дьаһалтата, оҕо спортивнай оскуолата тэрийэн ыыттылар.
«Көҥүл тустуу көбүөрүгэр уопсайа 68 бөҕөс кииристилэр. Ыаллыы Дьааҥы улууһуттан түөрт нэһилиэктэн тустууктар кэлэн кыттыыны ылбыттара күрэхтэһиини олус киэргэттэ, сытыырхатта.
Спортивнай тэрээһини бэйэбит уолбут Николай Суханов саҥаран—иҥэрэн, иилээн-салайан бэрткэ ыытта. “Мамонтенок-2025” цирковой бэстибээл Лауреаттара, акробат кыргыттарбыт нүөмэрдэрэ сэҥээри ини, биһирэбили ылла. Бырааттарбыт Уйбаан уонна Герман айан хаалларбыт «Быстах хомуур” ырыаны Александр Ефимов ис сүрэҕиттэн иэйэн туран толорбута дохсун ытыс тыаһынан доҕуһуолланна. Улуус баһылыга Иннокентий Стручков, Түгэһиир нэһилиэгин баһылыга Сергей Аликов, Дьааҥы улууһуттан кэлбит ыалдьыттарбыт итии-истиҥ тылларын бар дьонноругар, күрэхтэһээччилэргэ анаатылар.
Көҥүл тустуу турнира олус сэргэхтик, тыҥааһыннаахтык буолан ааста. Бэл, уһуйаан иитиллээччилэрэ бу улахан спорт түһүлгэтиттэн маппатылар, 12 кырачаан бөҕөс иннилэрин биэрбэккэ бэрт күүстээх, хатыһыылаах киирсии буолан ааста.
«Үс төгүл үс” көрүҥҥэ Сэбиэскэй сойуус призера, аҕам саастаах Михаил Васильевич Ноговицын бочуоттаах ыалдьыт буолан кэлэн, кырачаан тустууктары көрөн, улуустарын аатын ааттатар инникилээх кэнчээрилэр диэн алҕаан, дуоһуйан барда. Баатаҕайтан «Саханефтегаз” салайааччыта Егор Стручков уолун арыаллаан кэлэ сылдьан, киэҥ түһүлгэ тэрээһинин хайҕаата, сэргээтэ. Дьааҥы улууһугар спорт салалтатын салайааччыта Александр Неустроев 6 бөҕөһү кытыннарда. Боронуктан тренер Семен Слепцов биир кыттааччыны аҕалла. Арыылаах тренерэ Николай Седалищев 6 уоллаах кэлэн күрэхтэстилэр.
Иван Семенович аатынан 3 супер-бириис чөмпүйүөннэргэ оонньонно, ону барытын ыалдьыттарбыт сэрэбиэйгэ тардан, үөрэн-көтөн, өттүк харалаах, илии тутуурдаах бардылар.
Түгэнинэн туһанан, тустуук оҕолорбутугар, инникилээх бөҕөстөрбүтүгэр үгүс үөрүүнү-көтүүнү бэлэхтээбит спонсордарбытыгар барҕа махталбытын тиэрдэбит. Куруутун бу курдук түмсүүлээх буолуоххайыҥ, доруобай, дьоллоох буолуҥ, бар дьонум!
Күрэхтэһиибит сыалын-соругун ситтэ, Иван Семеновичка биэрбит тылбытын толордубут диэн астынным. Уһуйаан иһинэн тустууга күрэхтэһиини тэрийэ сылдьан биһиги кинилиин кэпсэтэн турардаахпыт, онно кини маннык эппитэ: “Эдьиий, убаай, мин ырыа эрэ куттаах буолбатахпын ээ, спорду өрө туппут, элбэх ситиһиилээх этим. Мин ааппар күрэхтэһиини оҥороорун эрэ” диэбитин, орто дойду олоҕуттан эрдэ барарын этиппитин өйдөөн, оҕобут баҕа санаатын толорон бу күрэхтэһиини тэрийэн ыыттыбыт,” – диэн Христина Иннокентьевна кэпсээтэ.
Биир күн устата тохтобула суох буолбут күрэх хас биирдии кыттааччы оҕоҕо умнуллубат үтүө өйдөбүллэри хаалларбыта саарбаҕа суох.
2018-19 с.т. (уһуйаан иитиллээччилэрэ)
18 киилэҕэ:
1 миэстэ — Иванов Руслан
2 миэстэ — Слепцов Эрсан
3 миэстэ -Верховский Миша
20 киилэҕэ:
1 миэстэ — Старостин Ефим
2 миэстэ — Слепцов Петя
3 миэстэ — Слепцов Петя
23 киилэҕэ:
1 миэстэ — Стручков Дьулуур
2 миэстэ — Горохов Максим
3 миэстэ — Стручков Баир
3 миэстэ — Пинигин Айхал
28 киилэҕэ:
1 миэстэ — Рожин Харысхан
28 киилэттэн үөһээ:
1 миэстэ — Горохов Эрэл
2016-17 с.т.
22 киилэҕэ:
1 миэстэ — Сотрудников Вася
2 миэстэ — Дмитриев Евдоким
3 миэстэ — Аммосов Иван
24 киилэҕэ:
1 миэстэ — Стручков Саян (Батагай)
2 миэстэ — Сотрудников Вася
3 миэстэ — Неустроев Коля (Батагай )
3 миэстэ — Стручков Эрэл
28 киилэҕэ:
1 миэстэ — Тулуш Ньургустан (Батагай)
32 киилэҕэ:
1 миэстэ — Васюков Артем (Батагай)
2 миэстэ — Аммосов Антон
3 миэстэ — Тулуш Ньургустан (Батагай)
32 киилэттэн үөһээ:
1 миэстэ — Басюков Артем (Батагай)
2 миэстэ — Аммосов Антон
3 миэстэ — Сыромятников Дамир
2014-15 с.т. уолаттарга
26 киилэҕэ:
1 миэстэ — Юмшанов Никита (Боронук )
28 киилэҕэ:
1 миэстэ — Рожин Еремей
2 — Юмшанов Никита (Боронук)
32 киилэҕэ:
1 миэстэ — Рожин Еремей
2 миэстэ — Слепцов Аким
3 миэстэ — Дмитриев Власий
3 миэстэ — Никитин Егор
35 киилэҕэ:
1 миэстэ — Никитин Егор
2 миэстэ — Слепцов Аким
3 миэстэ — Андреев Илья
3 миэстэ — Винокуров Марк
35 киилэттэн үөһээ:
1 миэстэ — Рожин Саша (Батагай)
2 миэстэ — Тоскин Арслан
3 миэстэ — Ефимов Егор
3 миэстэ — Старостин Кристофор
2012-13 с.т. уолаттарга
35 киилэҕэ:
1 миэстэ — Слепцов Павел
2 миэстэ — Устинов Алеша
38 киилэҕэ:
1 миэстэ — Иванов Роберт (Верхоянскай)
2 миэстэ — Слепцов Павел
3 миэстэ — Устинов Алеша
3 миэстэ — Константинов Айтал
48 киилэҕэ:
1 миэстэ — Другин Александр
2 миэстэ — Слепцов Петя (Арыылаах)
3 миэстэ — Петухов Кирилл
2008 с.т.
1 миэстэ — Игнатьев Владислав (Верхоянскай)
2 миэстэ — Аммосов Егор (Арыылаах)
3 миэстэ — Другин Арылхан
3 миэстэ — Слепцов Денис
48 киилэҕэ:
1 миэстэ — Федоров Эрсан
2 миэстэ — Аммосов Егор (Арыылаах)
3 миэстэ — Слепцов Владимир
52 киилэҕэ:
1 миэстэ — Федоров Эрсан
2 миэстэ — Винокуров Коля (Арыылаах)
3 миэстэ — Слепцов Владимир
57 киилэҕэ:
1 миэстэ — Попов Валера
2 миэстэ — Аммосов Афоня (Батагай)
3 миэстэ — Слепцов Владимир
3 миэстэ — Винокуров Коля (Арыылаах)
63 киилэҕэ:
1 миэстэ — Аммосов Афоня (Батагай)
2 миэстэ — Аммосов Данил (Арыылаах)
3 миэстэ — Попов Валера
3 миэстэ — Никитин Ньургустан
Маны таһынан, көхтөөх кыттыыны ылбыт, кыраһыабай киирсиилэри көрдөрбүт бөҕөстөргө спорду, чөл олоҕу көҕүлүүр биир дойдулаахтарбыт анал бириистэрин туруоран, үгүс үөрүүнү бэлэхтээтилэр. Ол курдук, Иван Семенович оҕо сылдьан хаста да миэстэлэспит ыйааһыныгар – 32 киилэҕэ кини дьиэ кэргэнин Лидия Андреевна уонна икки эмдэй-сэмдэй уолаттарын ааттарыттан Анал бирииһи Еремей Рожин ылла. Христина, Петр Стручковтар “Кэскиллээх тустуук” анал бириистэрин Аким Слепцов, Любовь, Николай Стручковтар туруорбут «Дебют” анал бирииһи Саян Стручков (Баатаҕай), Полина, Виктор Ефимовтар туруорбут “Саҥа саҕалаан эрэр бастыҥ тустуук” анал бирииһи Дамир Сыромятников, Маргарита, Виктор Обутовтар туруорбут “Кыайыыга дьулуурун иһин” – Валера Попов, “Бастыҥ тиэхиньикэтин иһин”– Еремей Рожин, Наталья, Владимир Дмитриевтар туруорбут “Кыраһыабай киирсии иһин”– Роберт Иванов (Дьааҥы) ылла, бу дьиэ кэргэн сиэннэригэр Власийга уонна Евдокимҥа эмиэ анал бириис туруоран спортка көҕүлээтилэр. Уһуйаан иитиллээччилэригэр туспа анал ааттар туттарылыннылар. Ол курдук, “Бастыҥ киирсээччи” – Ефим Старостин, “Кыайыыга дьулуурун иһин” – Максим Горохов, “Бастыҥ тиэхиньикэтин иһин” – Дьулуур Стручков, “Кэскиллээх тустуук” – Петя Слепцов.
Иван Семенович сырдык кэриэһигэр тэриллибит көҥүл тустуу көбүөрүгэр элбэх күрэхтэһээччи кыттыбыта кэрэхсэбиллээх буолла. Маннык киэҥ далааһыннаах тэрээһин эдэр ыччаты патриотическай өйү-санааны иитии биир көрүҥэ буолар. Маныаха улууспут тэрилтэлэрэ, урбаанньыттара, биирдиилээн дьон оҕолорбут туһугар күүс-көмө, өйөбүл буолбуттара хайҕабыллаах. Ол курдук, Иван Горохов төрөппүттэрэ, дьиэ кэргэнэ, аймахтара, күрэхтэһиини тэрийээччилэр бары спонсордарга: урбаанньыттарга М.М. Рожиҥҥа, Н.А. Наумоваҕа, А.К. Никитинаҕа, А.А. Колесовка, А.Д. Старостиҥҥа, А.А. Колесоваҕа, Н.А. Юмшановаҕа, Х.В. Гороховка, А.П. Стручковаҕа, Е.В. Сотрудниковаҕа, А.А. Данзановка, В.С. Андросоваҕа, С.Д. Бысыинаҕа, Оҕо уонна ыччат спортивнай оскуолатын дириэктэригэр Мария Афанасьеваҕа уонна кэллэктиипкэ, Эбээн-Бытантайдааҕы баһаарынай чааска, бэтэринэриийэ салалтатыгар, пенсионнай пуондаҕа, Кустуур орто оскуолатыгар, Дьарҕаалаах орто оскуолатыгар, «Гарпан” ЭКК, “Маранга” ЭКК, култуура салалтатыгар, үөрэх салалтатыгар, Эбээн-Бытантай улууһун дьаһалтатыгар, Түгэһиир нэһилиэгин дьаһалтатыгар, “Хаарчаана” оҕо уһуйааныгар, “Арктика суоллара” олохтоох салаатыгар, ОДьКХ салаатыгар, уот ситимнэригэр, Аллараа-Бытантай нэһилиэгин дьаһалтатыгар, “Ферма” түөлбэ олохтоохторугар, оҕо спортивнай оскуолатыгар, минньигэс астаах Афанасий Чупровка, “Бытантай уоттара” редакцияҕа, “Ростелеком” филиалыгар салайааччы Семен Захаровка, биирдиилээн дьоҥҥо, дьиэ кэргэттэргэ Любовь Ивановна, Николай Иннокентьевич Стручковтарга, Наталья Алексеевна, Владимир Николаевич Дмитриевтарга, Татьяна Моисеевна, Василий Егорович Мушниковтарга, Маргарита Ивановна, Виктор Тимофеевич Обутовтарга, Христина Иннокентьевна, Петр Петрович Стручковтарга, Айсана Зияйдиновна, Александр Дмитриевич Аммосовтарга, Иван Семенович Кустуур, Саккырыыр оскуолатыгар бииргэ үөрэммит доҕотторугар, кэргэнэ Лидия Андреевна Чурапчыга бииргэ үөрэммит доҕотторугар барҕа махталларын тириэрдэллэр.
Сардаана Копырина