Сэтинньи сэттистиир күнүгэр А.В.Кривошапкин аатынан Айар дьиэҕэ «Бытантай уоттара» хаһыакка чэпчэтиилээх сурутуу күнэ үөрүүлээх быҺыыга ыытылынна. Манна «Үлэ киҺитэ» слайд- быыстапка уонна лотерея сурутааччы болҕомтотун тартылар.
Ол курдук, бастакы сүүйүүлээх улуус дьаҺалтатын үлэҺитэ, биҺиги эрэллээх ааҕааччыбыт Аида Апросимова буолла. Кини сахалыы иҺит сүүйэн үөрдэ- көттө.
БиҺиги хаҺыаппыт 2023 сылга сурутуутун рекламалыыр сирэйэ- 4 саастаах Руслан Иванов ийэтин кытта кэлэн сыллааҕы суруттарыыны Эбээн Бытантай бочуоттаах олохтооҕор, убаастабыллаах учууталга, үлэ бэтэрээнигэр Клавдия Ивановна Мушниковаҕа бэлэхтээбитэ бэлиэ түгэн буолла.
—«БиҺиги убаастабыллаах, ытык кырдьаҕас учууталга Клавдия Ивановна Мушниковаҕа ааҺан эрэр Педагог уонна УҺуйааччы сылынан, кэлэн иҺэр Саҥа дьылынан эҕэрдэлээн туран сыллааҕы сурутууну бэлэх ууннубут. Ытык киҺибит этэҥҥэ буоллун! «, — Лаура Иванова Руслан ийэтэ этэр.
Эрэдээксийэ ыытар аахсыйаларын көтүппэт кыттааччыбыт, 112 сулууспа сотруднига, Григорий Петухов бу да сырыыга туора турбата.
Онтон, үгүс киҺи сэҥээриитин ылбыт лотереябыт сүрүн бирииҺин-
улуус Аҕа баҺылыга Иннокентий Стручков, 📰 «Сурутуу — 2024» аахсыйаҕа анаабыт уу харчынан — 5000 солк. Анастасия, Александр Захаровтар тардан ылан истиҥник үөрбүттэрэ сүргэбитин көтөхтө!
Кинилэр, түгэнинэн туҺанан, Иннокентий Николаевичка махталларын биллэрдилэр уонна сыралаах үлэтигэр үрдүк ситиҺиилэри баҕардылар. Улууспут чэчирии сайыннын!
Санатан эттэххэ, чэпчэтиилээх «Сурутуу- 2024» аахсыйа сэтинньи 15 күнүгэр диэри салҕанар. Онон, түгэни мүлчү туппакка, чэпчэки сыананан сурутарга тиэтэйиҥ, диэн ынырабыт. Түгэнинэн туҺанан, сурутуубут хампаанньатыгар кыттыспыт спонсордарбытыгар:
—улуус Аҕа баҺылыга И.Н.Стручковка;
— урбаанньыт И.Е.Рожиҥҥа;
— урбаанньыт Л.В.Сотрудниковаҕа истиҥ махталбытын тиэрдэбит. Үлэҕит ситиҺиилээх, олоххут уйгулаах буоллун!