Олортон биирдэстэрэ — оҕону үлэҕэ иитэр сыаллаах Үлэ уруогун саҥардыллыбыт бырагырааманан үөрэтии👍👍👍
А.С. Садовников аатынан Дьарҕаалаах орто оскуолатыгар “Үлэ уруогун саҥардыы” бырагыраама бырайыагынан дьоҕус мастарыскыай үлэҕэ киирдэ.
Биһиги талааннаах эдэр учууталларбыт: уолаттарга – Григорий Иванович Томскай, кыргыттарга – Ньургуйаана Петровна Данилова – үөрэнээччилэр үлэ уруогар билиҥҥи астыыр, иистэнэр, уһанар дьоҕурдарын өссө тупсаран, аныгы олоҕу кытта ситимнээн биэрэллэр. Информатика учуутала, Николай Васильевич Слепцов, оҕолор сатабылларын робототехниканы, көмпүүтэр графикатын кытта ситимниир. Оҕону үлэҕэ үөрэтии аҥардас үөрэх быһыытынан буолбакка, киһилии киһи быһыытынан иитэр кыахтаах. Түгэнинэн туһанан, эдэр учууталларбытын идэлээх бырааһынньыктарынан ис сүрэхтэн эҕэрдэлиибин. Туппуккут тупса, санаабыккыт сатана турдун!
✍ Нина Софронова – Туйгууна Дьарҕаалаах бөһүөлэгэ