Олунньу 20 күнүгэр улуус киинигэр «Биһиги өйбүтүгэр — сүрэхпитигэр эһиги өрүү тыыннааххыт» өйдөбүнньүк кинигэ сүрэхтэниитин, Үлэ кэлэктииптэрин Спартакиадаларын иитинэн буулдьалаах саанан сыалы ытыы күрэҕэ үрдүк таһымҥа буолан ааста.
Бу күрэх Герой уолаттарбыт – Егор Рожин, Айсен Николаев, Герман Ефимов уонна Егор Стручков дьонноро-сэргэлэрэ көҕүлээн, В.Н.Стручков аатынан спортивнай оскуола өйөбүлүнэн ыытылынна. Күрэх буулдьалаах саанан ытыыга утумнаахтык дьарыктаналларын, бу көрүҥ сайдарын, хоту сир кэнчээритэ бултка-алтка сыста улаатарыгар төһүү буолар. Барыта 8 хамаанда, ол иһигэр оскуола оҕолоро 54 сытыы харахтаах бэргэн ытааччы мустан киэҥ түһүлгэҕэ күөн көрүстүлэр. Дьарҕаалаах нэһилиэгин хамаандата кыттыбыта күрэх тыҥааһынын күүркэттэ. Кэрэчээн кыыс оҕолор, Далбар хотуттар эр дьонтон хаалсыбакка бэргэн ытааччы буолалларын сөҕө-махтайа көрдүбүт.
Сүрдээх киирсиилээх күрэх түмүгэ маннык буолла:
Эр дьоҥҥо бириистэри Герман Ефимов дьоно-сэргэтэ туруордулар.
1 миэстэни улуус дьаһалтатын Христофор Тутукаров ситиһэн «Учур» маҕаһыын 10000 солк. Сертификатын бириис тутта. 2 миэстэни Дьарҕаалаах бэрэстэбиитэлэ Николай Гаврильев ылан, Баһаарынай чаас кэлэктиибиттэн 8000 солк. уу харчынан тутта. Онтон 3 бочуоттаах миэстэҕэ Ян Васильев тахсан 7000 солк. Герман бииргэ үөрэммиттэрин бирииһинэн биһирэннэ.
Дьахталларга бириистэри Егор Рожин дьоно-сэргэтэ туруордулар.
1 миэстэни Дьарҕаалаахтан Надежда Гаврильева ылыаҕын ылан, аймахтар бириистэрин 12000 солк. уу харчынан тутта. 2 миэстэни “Чолбон” хамаанда ситиһэн, Егор бииргэ үөрэммиттэриттэн 7000 солк. уу харчынан тутта. Онтон 3 бочуоттаах миэстэҕэ “Харысхал” хамаандаттан Екатерина Николаева тахсан аэропорт кэлэктиибиттэн иһит сервиһинэн бириистэннэ.
9-11 кылаас оҕолоругар бириистэри Егор Стручков дьоно-сэргэтэ туруордулар.
1 миэстэни СОО 11 кылааһын үөрэнээччитэ Альберт Колесов ситиһэн, аймахтар бириистэрин 11000 солк. уу харчынан тутта. 2 миэстэни Дьарҕаалаахтан Максим Никитин ылан, ОДьКХ кэлэктиибиттэн 5000 солк. уу харчынан тутта. Онтон 3 бочуоттаах миэстэҕэ СОО 9 кылааһын үөрэнээччитэ Лейла Максимова тахсан ОДьКХ кэлэктиибиттэн 3000 солк. бириистэннэ.
6-8 кылаас оҕолоро.
1 миэстэни СОО үөрэнээччитэ Камилла Юмшанова ситиһэн, Айсен Николаев аймахтарыттан 5000 солк. уу харчынан тутта. 2 миэстэни Айысхан Никитин ылан, Айсен бииргэ үөрэммиттэриттэн 3000 солк. уу харчынан тутта. Онтон 3 бочуоттаах миэстэҕэ СОО 9 кылааһын үөрэнээччитэ Богдан Слепцов тахсан оскуола Р.И.Шадрин аатынан оскуола кэлэктиибиттэн 2000 солк. бириистэннэ.
Анал ааттар:
“Юный стрелок” – Камилла Юмшанова, Д.К.Сыроватскай плеер бирииһэ
“Юный стрелок”- Леонид Сотрудников, Ю.В.Сортудников бирииһэ 3000 солк.
“Лучший стрелок” – Дайана Готовцева, “Аннушка” маҕаһыынтан наушник бириис
“Лучший стрелок” – Ариан Ефимов, “ТотАс” маҕаһыынтан термос бириис
Павел Слепцов Герой Егор Рожин уола Харысхантан термос бириис тутта.
Арылхан Другин Герой Егор Стручков аймахтарыттан колонка бириис тутта.
“Лучший снайпер” – Күннэй Потапова, “Ананий” маҕаһыынтан 5000 солк. бириис
“Лучший снайпер” – Егор Ефимов, “Сайдам” маҕаһыынтан 5000 солк. бириис
“Ветеран стрелок” — Маргарита Канаева, “Христофор” маҕаһыынтан 5000 солк. бириис
“Ветеран стрелок” — Виктор Ефимов, “Кариана” маҕаһыынтан 5000 солк. бириис
“За волю к Победе” – Айлан Былчахов, “Аннушка” маҕаһыынтан иһит бириис
“Аартык” маҕаһыын мни-пылесос анал бирииһин «Медком» хамаандаттан Вероника Слепцова, онтон Харысхан Рожин анал бирииһин “АвиаМедКом” хамаандаттан Динара Сыроватская туттулар.
ОДьКХ кэлэктиибин анал бириистэрин Дьарҕаалаахтан Николай Иванов, “АвиаМедКом” хамаандаттан Семен Юмшанов тутан үөрдүлэр-көттүлэр.
Күрэх улахан дьон кыттааччыларыттан 500 солк. усунуостан киирбит 18000 солк. анал дьайыы байыастарыгар көмөҕө бэриллибитэ хайҕаллаах.
Яна РОЖИНА