Муниципальнай таһымнаах быыбардар буолаллара аҕыйах күн хаалла. Нэһилиэк баһылыктарыгар уонна дьокутааттарыгар кимнээх туруоруннулар? Бу туһунан территориальнай хамыыһыйа бэрэссэдээтэлэ Мария Степанова сырдатарыгар көрдөстүбүт.
— Балаҕан ыйын 14 күнүгэр быыбардааччылар Түгэhиир нэһилиэгин Сэбиэтин дьокутааттарын, Аллараа-Бытантай уонна Үөһээ-Бытантай нэһилиэктэригэр баһылыктары уонна нэһилиэктэрин Сэбиэтин дьокутааттарын талыахтара.
Түгэһиир нэһилиэгэр 5-тии мандаттаах үс уокурукка (Илиҥҥи, Арҕааҥы, Киин) уопсайа 15 дьокутаат талыллыаҕа. Уокуруктарынан көрдөххө, Киин уокурукка 6 хандьыдаат – Александр Дмитриевич Аммосов, Мария Ивановна Аммосова, Полина Пантелеймоновна Ефимова, Анжелика Семеновна Максимова, Ньургуйаана Николаевна Стручкова, Лидия Софроновна Сыроватская, Илиҥҥи уокурукка 6 хандьыдаат – Эльза Николаевна Горохова, Дмитрий Васильевич Нохсоров, Григорий Григорьевич Петухов, Вячеслав Аркадьевич Пинигин, Иннокентий Егорович Старостин, Яна Серафимовна Степанова, Арҕааҥы уокурукка 9 хандьыдаат – Николай Алексеевич Аммосов, Василий Христофорович Горохов, Николай Иванович Горохов, Яков Григорьевич Горохов, Василий Васильевич Колесов, Екатерина Дмитриевна Николаева, Эдуард Эдуардович Слепцов, Сахаяна Егоровна Слепцова, Николай Николаевич Старостин туруоруннулар. Бу үс уокуруктартан биэстии дьокутаат талыллыаҕа.
Аллараа-Бытантай нэһилиэгэр баһылыкка уопсайа үс хандьыдаат турда, бары олохтоох эдэр дьон – бэйэни туруорунуу бэрээдэгинэн оройуоннааҕы электрическай ситимнэр, 3 разрядтаах контролера Иван Иванович Горохов, бэйэ дьарыктаах Дмитрий Николаевич Колесов, улуус дьаһалтатын бэрэстэбиитэлэ, «Биир ньыгыл Арассыыйа” бэлитиичэскэй баартыйа олохтоох салаатыттан Константин Иванович Старостин туруоруннулар.
Аллараа-Бытантай нэһилиэгин Сэбиэтин дьокутааттарыгар 18 хандьыдаат — Василий Владиславович Алексеев, Тимофей Тимофеевич Горохов, Анжела Игоревна Горохова, Нюргуяна Иннокентьевна Другина, Николай Константинович Колесов, Валентина Николаевна Колесова, Нюргуяна Егоровна Колесова, Розалия Николаевна Макарова, Андрей Игоревич Мигалкин, Елена Александровна Михаханова, Ольга Олеговна Попова, Мария Иннокентьевна Саргина, Николай Афанасьевич Слепцов, Анна Вячеславовна Слепцова, Мария Семеновна Слепцова, Виктория Семеновна Старостина, Надежда Прокопьевна Старостина, Светлана Семеновна Черепанова туруоруннулар. Куоластааһын түмүгүнэн бу нэһилиэккэ 11 дьокутаат талыллыаҕа.
Үөһээ-Бытантай нэһилиэгэр баһылыкка хандьыдаатынан икки киһи – нэһилиэк баһылыга, “Биир ньыгыл Арассыыйа” бэлэтиичэскэй баартыйаттан Лев Вячеславович Горохов уонна бэйэни туруорунуу бэрээдэгинэн нэһилиэк Сэбиэтин дьокутаата, А.С. Садовников аатынан оскуола үлэһитэ, “Биир ньыгыл Арассыыйа” бэлэтиичэскэй баартыйа чилиэнэ Любовь Юрьевна Капитонова туруоруннулар.
Үөһээ-Бытантай нэһилиэгин Сэбиэтин дьокутааттарыгар 9 хандьыдаат – Николай Иванович Иванов, Мария Софроновна Иванова, Саргылана Дмитриевна Иванова, Ольга Дмитриевна Никитина, Гаврил Титович Петров, Татьяна Николаевна Петрова, Роман Николаевич Слепцов, Екатерина Дмитриевна Томская, Григорий Иванович Томский туруоруммуттарыттан, куоластааһын түмүгүнэн 7 дьокутаат талыллыаҕа.
— Билигин болдьоҕун иннинэ куоластааһын ыытылла турар. Төһө киһи куоластаата?
— Болдьоҕун иннинэ куоластааһын балаҕан ыйын 13 күнүгэр диэри ыытыллар. Балаҕан ыйын 9 күнүн туругунан 15 быыбардааччы куолаһын биэрдэ.
— Куһаҕан суоллаах-иистээх учаастактарга, таба ыстаадаларыгар куоластааһын ыытыллар дуо?
— Таба ыстаадаларыгар, куһаҕан суоллаах-иистээх учаастактарга куоластааһын үп көрүллүбэтэҕиттэн уонна учаастактааҕы быыбардыыр хамыыһыйалар үлэлиир дьиэлэрин иһигэр болдьоҕун иннинэ куоластааһын тэриллибитинэн ыытыллыбат.
— Сырдатыыҥ иһин махтанабыт.
Сардаана Копырина