Эбээн-Бытантай улууһугар сылын аайы бэтэринээрдэр таба ыстаадаларыгар сайыҥҥы кэмҥэ тахсаннар, эмтээһини ыыталлар.
«Быйыл бэтэринээринэй салалтаттан икки исписэлиис – мин уонна Иван Колесов ыстаадаларга тахсан үлэлээтибит. Мин 1 нүөмэрдээх ыстаадаҕа (биригэдьиир Чукров В.П.), «Кочевник-2” (Слепцов М.П) икки ыстааданы Тумараҕа, 6 нүөмэрдээх ыстаадаҕа (Константинов П.Б.) Ньанхаҕа, 3 нүөмэрдээх ыстаадаҕа Тара Салааҕа тугут ахсаанын саҕана табалар туруктарын көрдүм уонна атахсыт ыарыытын утары быһыы оҥордум.
Иван Колесов соҕуруу Старостина Д.Е., Бочкарев Г.Д. ыстаадаларыгар сылдьан эмиэ эмтээһини ыытта.
Быйыл сайын табалар туруктара үчүгэй диэн бэлиэтээтибит, доҕолоҥнообут таба, тугут суоҕун кэриэтэ. Тугут ахсаана туох да моһуога суох этэҥҥэ ааста,» — диэн Мария Карманова сырдатта.