Бу сайын биһиги улууспутугар халаан уута оттуур ходуһалары ылан сүөһү кыстык отун бэлэмнээһиҥҥэ үгүс уустуктары, харгыстары көрүстүбүт. «Норуот күүһэ – көмүөл күүһэ” диэн мээнэҕэ этиллибэт, тэрилтэлэр, биирдиилээн дьон көмөҕө тахсаннар, улахан тирэх буоллулар.
«Субуотунньуктар тохтоотулар. Сарсын Чэй Үрүйэҕэ «Гарпан” култуура кииниттэн 4 киһи эргийэ баран торбос отун харбыахтара.
Чаалыйга үлэни үмүрүтэн, от кээһэ сылдьаллар уонна күрүө тутуулара хааллылар. «Саха сүөһүтэ” хааһына тэрилтэтин үлэһиттэрэ субуотунньуктар – абыраллаах дьон кэлэн көмөлөһөн бардылар диэн санаалара өрө көтөҕүллэн сылдьаллар.
Биһиги быйылгы былааммыт 235 туонна от, онтон саатар аҥарын оҥорбут киһи диэн, сарсыҥҥыттан 3 киһи от охсуохтаах,» — диэн «Саха сүөһүтэ” хааһына тэрилтэтин Саккырыырдааҕы салаатын сүрүннүүр Петр Слепцов сырдатта.
