Түгэһиир нэһилиэгэр биир дойдулаахпыт Светлана Горохова дьиэ кэргэнин түмэлигэр сэбиэскэй кэмнээҕи тимир уонна лаах иһиттэр атыы-быыстапката тэриллэн ыытылынна.
“Күһүҥҥү атыы-быыстапка олус үчүгэйдик, көхтөөхтүк ааста, 10 тахса киһи көрөн-истэн наадалаахтарын бэрт дьоҕус сыанаҕа атыылаһан бардылар. Тэрээһин сыала-соруга диэн урукку кэм иһитин-хомуоһун дьоҥҥо билиһиннэрии, тыа дьонун хаачыстыбалаах уонна үйэлээх, тыа усулуобуйатыгар табыгастаах иһитинэн хааччыйыы, дьиэ кэргэттэр олохторугар, кыра да буоллар, көмөнү оҥоруу. Дьон өссө да ыйыталаһарыттан көрдөххө, тэрээһин сыалын ситтэ.
Күн-дьыл туран биэрдэҕинэ өссө да араас быыстапка тэриллиэн сөп эбит. Быыстапкаҕа сылдьыбыт, көрбүт, сэҥээрбит дьоммор-сэргэбэр махталбын биллэрэбин,” – диэн Светлана Гаврильевна санаатын үллэһиннэ.
Хаартыскаҕа түһэрдэ Семен Слепцов