Сэтинньи-ахсынньы ыйдарга үс нэһилиэккэ үлэ кэлэктииптэрэ түмсэн, уус-уран самодеятельность көрүү кэнсиэртэрин туруорбуттарын дьүүллүүр сүбэ миэстэтигэр баран сыаналаабыта. Дьүүллүүр сүбэҕэ култуура салалтатын салайааччыта Степан Слепцов, методист Полина Ефимова, бэрэссэдээтэл улуус Аҕа баһылыгын социальнай боппуруостарга солбуйааччы Саргылана Петрова киирдилэр. Сүрүн тэрийээччи улууска култуура салалтата буолар. «Хоровое исполнение», «Хореографическое искусство», «Вокальное искусство», «Театральное искусство», «Оригинальный жанр» хайысхаларынан көрүлүннэ. Бу туһунан сиһилии култуура салалтатын салайааччытын Степан Степановиһы сырдатарыгар көрдөстүбүт.
— «Бу бэстибээл дойдубут бары муннуктарыгар сыл устата ыытылынна. Сүрүн сыалынан дьону – сэргэни түмүү, бэриниилээх тыыҥҥа иитии, кэнэҕэски кэнчээригэ дойдуга тапталы, бэриниини иҥэрии, Улуу Кыайыыны уруйдааһын. Маны тэҥэ, билигин барыбытын долгутар анал байыаннай дьайыыга сылдьар байыастарбытын, олохторун геройдуу толук уурбут уолаттарбытын ахтан-санаан, ырыа-үҥкүү нөҥүө курутуйууну, киэн туттууну тиэрдии буолар. Санатан эттэххэ, ааһан эрэр сылга биһиги Улуу Кыайыы 80 сылын өрөгөйдөөхтүк бэлиэтиибит. Онон сиэттэрэн, сыл устата тэрээһиннэр бары Улуу Кыайыыга, анал байыаннай дьайыы тиэмэтин иитинэн ыытылыннылар. Онтон «Салют, Победа!» бэстибээл түмүктүүр тэрээһин буолла. Нэһилиэктэр бары күүскэ бэлэмнэммиттэрин бэлиэтиэххэ наада. Нэһилиэнньэ үгүс араҥатын хабан, сыанаҕа тахса үөрэҕэ суох дьону көҕүлээн кытыннарбыттара хайҕаллаах. Хас биирдии нүөмэр дириҥ ис хоһоонноох, үчүгэйдик толкуйданыллан туруоруллубута көһүннэ. Кытыы нэһилиэктэргэ бүттүүн бөһүөлэк дьоно хабыллыбыттара сэҥээртэ. Үгүс элбэх сэргэх нүөмэрдэр эбиллибиттэрин бэлиэтиэххэ сөп. Улууспут дьоно-сэргэтэ сүрдээх талааннаах, көхтөөх уонна түмсүүлээҕин мэктиэлээтэ бу бэстибээл диэтэхпинэ сыыспаппын. Кыттааччыларга бука барыгытыгар, үлэ кэлэктииптэригэр уонна салайааччыларыгар култуура салалтатын уонна тус бэйэм ааппыттан улахан махталбын биллэрэбин. Инникитин да, маннык көхтөөх буолуҥ диэн ыҥырабын. Кэлэн иһэр Саҥа дьылынан!»
Түмүктүүр чаас улуус киинигэр ыытылынна. Ол курдук, хас биирдии нэһилиэктэн уһулуччу үчүгэй нүөмэрдэр талыллан улахан Гала-кэнсиэркэ көрдөрүлүннүлэр. Улууспут талба талааннаахтара патриотическай тыыннаах нүөмэрдэрэ көрөөччүнү сэргэхситтилэр. Дьэ эрэ, кыйаыылаахтар ааттарын билиһиннэрэбит.
- 1 миэстэ — Түгэһиир нэһилиэгэ, «Гарпан» ЭКК . (80000,00 солк. уонна статуэтка);
- 2 миэстэ -Аллараа Бытантай нэһ., «Маранга» ЭКК (50000,00 солк. уонна статуэтка);
- 3 миэстэ — Үөһээ Бытантай нэһ., «Дюбун» ЭКК (30000,00 солк. уонна статуэтка).
Маны тэҥэ, анал ааттар ааттаннылар:
— «Лучшее хоровое исполнение» сертификат 3000 солк, акриловай статуэтка. «Тыыннаахтар умнубат сыллара» «Гарпан»ЭКК;
— «Лучший коллективный танец» сертификат 3000 солк., акриловай статуэтка. «Звезда» үҥкүү, ансамбль «Нөргэдэй» сал. Афанасьева М.Ю. Баатаҕай Алыыта;
— «Лучший сольный танец» сертификат 3000 солк., акриловай статуэтка. «Синий платочек» үҥкүү -Надежда Дьячковская. Баатаҕай Алыыта
— «Лучший коллективный вокал» сертификат 3000 солк, акриловай статуэтка. «Дорҕоон» эр дьон ансаамбыла, сал. Иванов Н.И., Дьарҕаалаах
— «Лучший сольный вокал» сертификат 3000 солк., акриловай статуэтка. «Ийэ сурэҕэ» Оксана Боярская, Кустуур.
— «Лучший оригинальный номер» сертификат 3000 солк., акриловай статуэтка. «Малгины, Журавли над Ильменем» күлүк көстүү, сал.Дьячковская Н.П. Баатаҕай Алыыта
— «Лучший театральный номер» сертификат 3000 солк., акриловай статуэтка. «Июнь 41 года…» театральнай постановка, Саккырырдааҕы народный театр. Реж. Колесов В.В.
— «Лучший фольклорный номер» сертификат 3000 солк., акриловай статуэтка. «Мастерицы”, «Мэрлэнкэ» Народнай фольклорнай кэлэктиип, сал.Горохова А.И., Кустуур
Дипломаннар:
— Соло Александр Ефимов, «Быстах хомуур», Баатаҕай-Алыыта. Диплом, сертификат на 1500 солк.
— Соло Алексан Аммосов, «Мин мантан сэриигэ барбытым», Баатаҕай-Алыыта. Диплом, сертификат 1500 солк.
— «Катюша» дьахталлар ансаамбыллара, сал. Иванов Н.И., Дьарҕаалаах. Диплом, сертификат 1500 солк.
— «Мэрлэнкэ» ансаамбыл, «Матушка земля» сал. Горохова А.И., Кустуур. Диплом, сертификат 1500 солк.
— «В Землянке» эр дьон ансаамбыла, сал. Рябчиков Щ.Н. Баатаҕай Алыыта. Диплом, сертификат 1500 солк.
— «Ьэку» ансаамбыл, «Блокадный вальс» сал. Дьячковская Н.П., Баатаҕай Алыыта. Диплом, сертификат 1500 солк.
— «Мэрлэнкэ» ансаамбыл, сценка «Военкомат» сал.Горохова А.И., Кустуур. Диплом, сертификат 1500 солк.
— Пародия Раиса Старостина, «Москва» Олег Газманов, Кустуур. Диплом, сертификат 1500 солк.
— Тойук Прасковья Слепцова, Баатаҕай Алыыта. Диплом, сертификат 1500 солк.
— Пародия Анжела Горохова, «Синий платочек» Клавдия Шульженко, Кустуур. Диплом, сертификат 1500 солк.
Яна РОЖИНА.
Хаартыска: Семен Слепцов.