Р.И. Шадрин аатынан Саккырыыр орто оскуолатыгар саҥа дириэктэр Николай Слепцов ананна. Николай Васильевич бэйэтин туһунан сырдата түһэригэр көрдөстүбүт.
— Мин 1983 сыллаахха Дьааҥы улууһун Үҥкүр нэһилиэгэр төрөөбүтүм. 2000 сыллаахха Сартаҥнааҕы орто оскуоланы бүтэрбитим уонна СГУ физико-техническай институтугар туттарсан киирбитим. 2005 сыллаахха үөрэхпин бүтэрэн, физика уонна информатика учууталын идэтин ылбытым.
2005-2010 сс. Баатаҕайдааҕы ПТУ-32 преподавателинэн уонна ЭВМ бөлөҕүн производственнай үөрэхтээһин маастарынан үлэбин саҕалаабытым. Салгыы 2010-2014 сс. Дьокуускай куоракка көһөн баран, системнай администраторынан үлэлээбитим. 2014-2015 сс. урбаанньыт буолбутум. 2016-2021 сс. Муома оройуонугар идэбинэн информатика уонна физика учууталынан , 2021-2024 сс. Муома оройуонун Н.С. Тарабукин аатынан оскуола дириэктэринэн үлэлээбитим. Былырыын, 2024 сыллаахха кэргэним төрөөбүт дойдутугар — Эбээн-Бытантай улууһугар дьиэ кэргэнинэн көһөн кэлэн, Дьарҕаалаах оскуолатыгар физика уонна информатика учууталынан, онтон быйыл атырдьах ыйыттан Саккырыыр орто оскуолатын дириэктэринэн үлэбин саҕалаан эрэбин.
Кэргэннээхпин, 3 уол оҕолоохпун.
Сардаана Копырина