Улуустааҕы Оҕо саас киинин «Робототехника» куруһуогун үөрэнээччилэрэ Стручков Денис уонна Куприянов Айаан — «Техногении» хамаанда ситиһиилээхтик кыттыыны ыллылар, салайааччы Роман Горохов.
Ол курдук, фестиваль 4 хайысханан ыытылынна.
Биһиги уолаттарбыт «Робо-INVENT» роботехника күрэхтэригэр 9 хамаанданы кытта күөн көрүстүлэр.
Түмүккэ «Фристайл» түһүмэххэ Денис Стручков эрэллээхтик 1 миэстэни ылла.
Онтон Айаан Куприянов «Производство цемента» түһүмэххэ 2 миэстэни ылла!
Маннык улахан таһымнаах күрэххэ биһиги оҕолорбут аан бастакы холонуулара диэтэххэ, ситиһиилэрэ үрдүгэ киһини олус үөрдэр. Ол аата төһө да ыраах олордорбут, робототехника хайысхатыгар биир тэҥҥэ хардыылаан иһэрбитин көрдөрөр.
Уолаттарбытыгар өссө биирдэ улахан эҕэрдэ! Биһиги эһигинэн киэн туттабыт! — диэн «Түгэһиир сатарҕалара» пресс- киин үтүө сонунун үллэстэр.