Нэһилиэккэ кыһыҥҥы оттук сезонугар бэлэмнэнии – олохтоох дьаһалта, тэрилтэлэр уонна хаһаайыстыбалар саамай эппиэттээх үлэлэрэ.
Үөһээ Бытантай нэһилиэгин олоҕун хааччыйар сүрүн күүһүнэн сылаас биэрэр хочуолунай буолар. Быйыл Дьарҕаалаахтааҕы ОДьКХ маастардара уонна слесардара бэйэлэрин күүстэринэн сылаас ситимнэрин насоһун уларытан, ыраастааһын үлэтин ыытан күүскэ үлэлээтилэр. Оттук маһа, саас былаан быһыытынан кэмигэр тиэллэн, хочуолунай таһыгар кыстанан турар. Балаҕан ыйын 9 күнүттэн сылаас бэриллэн оскуола, оҕо саада, кулууп үлэлии тураллар.
Сылын аайы олохтоохтор сылаас барар ситимнэрин (теплотрасса) көннөрүү үлэтэ барарын туруорсууларыгар, быйыл да улуустааҕы ОДьКХ өттүттэн болҕомто ууруллубата. Ол да буоллар, нэһилиэккэ оттук бэлэмин хаамыыта этэҥҥэ, былаан быһыытынан баран иһэр. Кыһыммыт сылаас, олохпут туруктаах буоллун!
Нина Софронова – Туйгууна, Дьарҕаалаах бөһүөлэгэ