Дойдубут үрдүнэн сылын аайы «Библионочь» аахсыйа ыытыллар. Бу тэрээһин бибилэтиэкэлэр, кинигэ маҕаһыыннара олох хаамыытын кытта тэҥҥэ хардыылыыр үлэлэрин саҥалыы тыынын көрдөрүү буолар.
Улуус киинигэр киин бибилэтиэкэ уонна «Гарпан» этнокултуурунай киин «Библионочь-2026» тэрээһини ыытан бу бүтүн дойдутааҕы аахсыйаҕа кыттыстылар. Тэрээһин «Я узнал, что у меня огромная родня» Николай Курилов хоһоонун 3 омук тылынан ааҕыыттан саҕаланна. Аан маҥнай ыытыллыбыт өрөспүүбүлүкэтээҕи Эдэр табаһыттар сүлүөттэрин туһунан устууну көрдөрүү мустубут дьон сэҥээриитин ылла. Кинигэ быыстапкалара, саҥа кинигэ презентацията, маастар-кылаастар ыытылыннылар.
