Ил Дархан Айсен Николаев Дмитрий Садовниковы Дьокуускай куорат Дууматын XXVII сиэссийэтигэр “Дьокуускай куорат” куораттааҕы уокурук баһылыгынан талыллыбытынан эҕэрдэлээтэ.
Дьокуускай мээрин аан бастакытын публичнай былаас единэй систиэмэтин иитинэн саҥа мэхэньиисиминэн таллылар.
Айсен Николаев тыл этэригэр Дмитрий Садовников кандидатуратын өйөөбүттэригэр дьокутааттарга махтанна.
“Мин, эһиги үгүскүт курдук, Дмитрий Дмитриевиһы эппит тылыгар турар, дьиҥнээх патриот, дьон уонна төрөөбүт дойдутун туһугар ыалдьар киһи быһыытынан билэбин. Кини киһилии, эппиэтинэстээх, бастатан туран, бэйэтигэр ирдэбиллээх. Дмитрий Дмитриевич үлэтэ үйэ чиэппэрин устата Дьокуускай куораты кытта ситимнээх. Куораты салайар управление систиэмэтин бастакыттан бары үктэлгэ тиийэ – быраабаттан баһылык солбуйааччытыгар диэри ааспыт киһи аҕыйах. Кини куораты олохтоох, салайааччы быһыытынан бэркэ билэр” – диэн Айсен Николаев бэлиэтээтэ.
Дмитрий Садовников Ил Дархаҥҥа уонна дьокутааттарга итэҕэллэрин иһин махталын биллэрдэ. Дьокуускай куорат саҥа мээрэ бэйэтин ананыытын үлэтин үктэлэ саҕаламмыт сиригэр төннүү буоларын эттэ. “Мин суолум чопчу мантан, уокуруктааҕы дьаһалтаттан саҕаламмыта. Илья Филиппович Михальчук хамаандатыгар ыччат бэлиитикэтинэн дьарыктаммытым, Юрий Вадимович Заболев саҕана Сайсары уокуругун салайбытым, Айсен Сергеевич Николаев итэҕэйэн, куорат хаһаайыстыбатыгар эппиэттиирим. Дьокуускай куорат үс мээрин оскуолата өрөспүүбүлүкэ таһымыгар тахсарбар тирэх буолбута” – диэн Дмитрий Садовников эттэ. Бу туһунан Ил Дархан уонна Бырабыыталыстыба пресс-сулууспата суруйар.